ఎన్టీఆర్ అడుగుజాడల్లో పవన్ కళ్యాణ్

తెలుగు రాష్ట్రాల్లో ఎంతోమంది ఫాలోవర్స్ ని కలిగిఉన్న పవర్ స్టార్ పవన్ కళ్యాణ్, ఎన్టీఆర్ ని ఫాలో అవడం ఏమిటి ? అనుకుంటున్నారా? ఇది నిజం. మహానటుడు నందమూరి తారక రామారావు అడుగుజాడల్లో పయనానికి సిద్ధమయ్యారు. నెంబర్ వన్ హీరోగా ఎదిగి రాజకీయాల్లోకి అడుగు పెట్టి పేద ప్రజల దేవుడిగా ఎన్టీఆర్ జేజేలు అందుకున్నారు. ఆయన తెలుగు దేశం పార్టీ స్థాపించి ఎన్నికల్లో పోటీ చేయడానికి ముందు యువతలో చైతన్యం కలిగించేందుకు హుషారైన పాటలను రూపొందించారు. ముందుగా వాటిని ప్రజల్లోకి వదిలి ఆ తర్వాత ప్రచారంలోకి వెళ్లారు. ఈ విషయంలో ఎన్టీఆర్ ని పవన్ కళ్యాణ్ ఫాలో అవుతున్నారు.

తాను ఎన్నికల్లో ప్రచారానికి వెళ్లే ముందే జన సేన పార్టీ కోసం పాటలను రాయించారు. కొన్నింటికి కంపోజింగ్ కూడా పూర్తి అయిందని సమాచారం. త్వరలో విడుదల కానున్నాయి. తొలుత రాయలసీమ ప్రజలను ప్రసన్నం చేసుకోవటానికి కాటమరాయుడు గా వస్తున్నా పవన్, తర్వాత ఓట్లు రాలాలని మాటల మాంత్రికుడు త్రివిక్రమ్ తో కలిసి రాబోతున్నారు. జనసేన అధినేతకు రాజకీయ ఎంట్రీ గ్రాండ్ గా ఉండాలని, సందేశంతో కూడిన అద్భుత స్క్రిప్ట్ ని త్రివిక్రమ్ సిద్ధం చేశారు. వీరి కాంబినేషన్లో సినిమా వచ్చే నెల నుంచి సెట్స్ మీదకు వెళ్లనుంది.

Also, do SUBSCRIBE to our YouTube channel to get latest Tollywood updates.