అది కరెక్ట్ కాదు ‘పవన్’!!!

టాలీవుడ్ హీరోల్లో మాటపై నిలబడే హీరోలు చాలా తక్కువ, అయితే అలా మాటకు కట్టుబడే వారిలో మన పవర్ స్టార్ పవన్ కల్యాణ్ టాప్ పొసిషన్ లో ఉంటాడు అనడంలో ఏమాత్రం సందేహం లేదు. ఒక రకంగా చెప్పాలి అంటే పవన్ మాట ఇచ్చాడు అంటే పని అయిపోయినట్లే అన్నంత భరోసా. ఇదిలా ఉంటే అసలు విషయం ఏమిటంటే పవర్ స్టార్ పవన్ కల్యాణ్ తాజా డిజాస్టర్ ‘సర్దార్ గబ్బర్ సింగ్’ ఎంతటి చేదు అనుభవాన్ని మిగిల్చిందో అందరికీ తెలిసిందే.

ఇంకా చెప్పాలి అంటే ఆ సినిమా గురించి మనం ఎంత తక్కువ మాట్లాడుకుంటే అంత మంచిది అంటారు ఆయన అభిమానులు. అయితే ఆ సినిమా అంతటి పరాజయాన్ని మూటగట్టుకున్నప్పటికీ ఆసినిమాలో విలన్ పాత్ర పోషించిన శరత్ కెల్కర్‌ కు మంచి నేమ్ వచ్చింది. నటన పరంగా బాగానే ఆకట్టుకున్నాడు. ఒక్కసారిగా టాలీవుడ్ ను తనవైపు చూసేలా చేసుకున్నాడు. ఇదిలా ఉంటే సర్దార్ లో శరత్ కెల్కర్‌ నటనకు ఫిదా అయిపోయిన పవన్ ఆ విలన్ కు మరో ఛాన్స్ ఇస్తాను అని కమిట్ అయ్యడంటా, ఇక శరత్ కెల్కర్‌ కూడా పవన్ అవకాశం ఇస్తాడేమొ అని ఎదురు చూస్తున్న తరుణంలో పవన్ తన నెక్స్ట్ సినిమా అదేనండి…

డాలీ దర్శకత్వంలో చేస్తున్న సినిమాలో శరత్ కెల్కర్‌ కు విలన్ పాత్ర ఇచ్చాడని టాక్. అయితే దీనిపై ఇండస్ట్రీలో కాస్త రుసరుసలు వినిపిస్తున్నాయి, దానికి కారణం ఏంటి అంటే….పవన్ కళ్యాణ్ వరుస మూవీల్లో విలన్ ఒకరే ఉండటం…అటు సినిమాకి, ఇటు ఫ్యాన్స్ కి రొటీన్ లా ఉంటుందని అంతేకాకుండా మార్కెట్ పరంగానూ ఇది ఏమంత కమర్షియల్ పాయింట్ కాదని అంటున్నారు విశ్లేషకులు. ఎవ్వరేమన్నా…పవర్ స్టార్ మాట అంటే మాటే…అది ఫిక్స్ అంతే.