రామ్ గోపాల్ వర్మ పరువు తీసిన పవన్ కళ్యాణ్

ఇష్టం వచ్చినట్లు ట్వీట్లు పోస్ట్ చేసే రామ్ గోపాల్ వర్మ రోజుకో వ్యక్తితో విమర్శలు ఎదుర్కొంటున్నారు. కొన్ని రోజులుగా మెగా హీరోలతో మాటల యుద్దానికి దిగిన వర్మకు తాజాగా పవర్ స్టార్ పవన్ కళ్యాణ్ స్ట్రాంగ్ పంచ్ ఇచ్చారు. నిన్న వైజాక్ లో నిర్వహించిన శాంతి ప్రదర్శనకు జనసేన అధినేత పవన్ కళ్యాణ్ వెళ్లకపోవడాన్ని వర్మ విమర్శించారు. నాయకుడు, యుద్ధ రంగంలో లేకపోతే సైన్యం ఏమయిపోతుంది.? రాజు లేకుండా యుద్ధం ఎలా గెలుస్తుంది? అని వర్మ ప్రశ్నించారు. దీనిపై శుక్రవారం పవన్ ను మీడియా ప్రతినిధులు అడగగా ఆయన తనదైన శైలిలో స్పందించారు. “ఓసారి పైకి ఎత్తేసి, ఇంకోసారి కిందకి దించేసే వ్యక్తుల గురించి నేనేం మాట్లాడాలి?.

ఈ మధ్యనే రామ్‌గోపాల్‌ వర్మ కుమార్తెకు పెళ్ళయ్యింది. కానీ, పోర్నోగ్రఫీ సినిమాల్ని కలెక్ట్‌ చేస్తుంటానని చెప్పే వర్మ లాంటి వ్యక్తుల గురించి మాట్లాడాల్సిన అవసరముందా.?” అంటూ పరువుతీశారు. ఈ మాటలు వర్మకు బాగా తగిలాయి. “నేను పవన్ మీద ఇష్టంతో మాట్లాడుతాను కానీ.. విమర్శించడానికి కాదని అతను తెలుసుకోకపోవడం నా దురదృష్టం” అని కొన్ని నిముషాల క్రితం వర్మ పోస్ట్ చేశారు. “అతని పెళ్ళాం, పిల్లలు, కుటుంబ సభ్యులు, జనసేన పార్టీ, ఫ్యాన్స్ అందరికీ శుభాకాంక్షలు. బై” అంటూ ఈ వివాదానికి ఫుల్ స్టాప్ పెట్టారు.

Also, do SUBSCRIBE to our YouTube channel to get latest Tollywood updates.