పవర్ స్టార్ పవన్ కళ్యాణ్ ప్రస్తుతం రాజకీయాలపై చాలా ఫోకస్ పెట్టారు. సినిమాలలో నటిస్తున్నప్పటికీ సినిమాలకు కాస్త బ్రేక్ ఇచ్చి రాజకీయాల పరంగా ఎంతో బిజీగా మారిపోయారన్న సంగతి మనకు తెలిసిందే. మరి కొద్ది రోజులలో తెలంగాణలో ఎన్నికలు జరుగుతున్నాయి అలాగే వచ్చే ఏడాది ఆంధ్రప్రదేశ్ ఎన్నికలు కూడా జరగబోతున్న నేపథ్యంలో రెండు తెలుగు రాష్ట్రాలలోనూ పొలిటికల్ వార్ జరుగుతుంది. ఈ క్రమంలోనే పవన్ కళ్యాణ్ సైతం ఎన్నికల పరంగా ఎంతో బిజీగా ఉన్నారు.
ఇకపోతే పవన్ కళ్యాణ్ అందరి హీరోల మాదిరిగా కాకుండా సోషల్ మీడియాకు చాలా దూరంగా ఉంటారు ఇక ఈయన సోషల్ మీడియాలో ఏదైనా పోస్ట్ చేశారు అంటే అది కేవలం తన రాజకీయాలకు సంబంధించినటువంటి విషయాలను మాత్రమే అభిమానులతో పంచుకుంటారు. ఇదివరకు ట్విట్టర్ మాత్రమే ఉపయోగించే పవన్ కళ్యాణ్ కొద్ది రోజుల క్రితం ఇంస్టాగ్రామ్ లోకి కూడా అడుగు పెట్టారు. ఇలా ఇన్స్టాగ్రామ్ ద్వారా ఈయన రాజకీయాలకు సంబంధించిన విషయాలనే షేర్ చేస్తూ ఉంటారు.
అయితే చాలా రోజుల తర్వాత పవన్ కళ్యాణ్ ఇంస్టాగ్రామ్ వేదికగా ఒక పోస్ట్ చేశారు. ప్రస్తుతం ఈ పోస్ట్ సోషల్ మీడియాలో వైరల్ గా మారింది. బేగంపేట్ ఎయిర్ పోర్టులో తన ఫ్లైట్ కోసం ఎదురుచూస్తున్నటువంటి పవన్ కళ్యాణ్ దగ్గరకు అనుకోకుండా ఒక పోలీస్ డాగ్ వచ్చిందని ఈ సందర్భంగా పవన్ కళ్యాణ్ ఇంస్టాగ్రామ్ ద్వారా తెలియజేశారు. ఈ సందర్భంగా పవన్ స్పందిస్తూ నేను ఎయిర్పోర్టులో నా ఫ్లైట్ కోసం ఎదురు చూస్తూ ఉండగా అనుకోకుండా నా దగ్గరకు ఒక విజిటర్ వచ్చి సర్ప్రైజ్ చేశారని తెలియజేశారు.
ఆ విజిటర్ మరెవరో కాదు పోలీస్ డాగ్ స్క్వాడ్ లో ఉండే బిందు(కుక్క). అది నాతో చాలా స్నేహంగా ఉంది. తన తోకని ఆసక్తిగా ఊపింది. తను నాలో ఉత్సాహం నింపింది. నేను విమానం ఎక్కేముందు ఓ అనుకోని అందమైన అనుభూతిని ఇచ్చింది అంటూ ఈ సందర్భంగా (Pawan Kalyan) పవన్ కళ్యాణ్ ఇంస్టాగ్రామ్ ద్వారా చేసిన ఈ పోస్ట్ వైరల్ అవుతుంది.
మంగళవారం సినిమా రివ్యూ & రేటింగ్!
స్పార్క్ సినిమా రివ్యూ & రేటింగ్!
సప్త సాగరాలు దాటి సైడ్ బి సినిమా రివ్యూ & రేటింగ్!
