పవన్ కళ్యాణ్, రానా హీరోలుగా నిత్యామీనన్ , ఐశ్వర్యా రాజేష్ హీరోయిన్లుగా సాగర్ కె చంద్ర డైరెక్షన్ లో అయ్యప్పనుమ్ కోషియమ్ రీమేక్ తెరకెక్కుతున్న సంగతి తెలిసిందే. పవన్ కళ్యాణ్ అభిమానుల్లో ఈ సినిమాపై భారీగా అంచనాలు ఏర్పడ్డాయి. రీమేక్ మూవీ కావడంతో ఈ సినిమా ఈ ఏడాదే కచ్చితంగా రిలీజ్ అవుతుందని పవన్ కళ్యాణ్ ఫ్యాన్స్ భావించారు. ఫ్యాన్స్ అంచనాలకు అనుగుణంగా ఈ ఏడాది దసరా పండుగ కానుకగా సినిమా రిలీజ్ కానుందని సమాచారం.
అయితే దసరా పండుగకు రాజమౌళి ఆర్ఆర్ఆర్ సినిమాను రిలీజ్ చేయాలని భావించారు. ఆర్ఆర్ఆర్ రిలీజ్ డేట్ మారే అవకాశం ఉందని ప్రచారం జరుగుతున్నా రాజమౌళి మాత్రం ఆ వార్తలపై ఇప్పటివరకు స్పందించలేదు. మరి ఆర్ఆర్ఆర్ సినిమా దసరాకే విడుదలైతే ఆ సినిమాకు పోటీగా పవన్ అయ్యప్పనుమ్ కోషియమ్ ను రిలీజ్ చేస్తారో లేదో చూడాల్సి ఉంది. ఆర్ఆర్ఆర్ సినిమాకు పోటీగా పవన్ సినిమా రిలీజైతే రెండు సినిమాల కలెక్షన్లపై ప్రభావం పడే అవకాశం ఐతే ఉంది.
అయ్యప్పనుమ్ కోషియమ్ రీమేక్ కు థమన్ సంగీతం అందిస్తుండగా సూర్యదేవర నాగవంశీ ఈ సినిమాకు నిర్మాతగా వ్యవహరిస్తున్నారు. మరోవైపు పవన్ నటిస్తున్న హరిహర వీరమల్లు మూవీ సెట్స్ పై ఉంది. 2022 సంక్రాంతి పండుగ కానుకగా ఈ సినిమా రిలీజ్ కానుంది. ఈ సినిమాల తరువాత హరీష్ శంకర్, సురేందర్ రెడ్డి సినిమాలలో పవన్ నటించనున్నారు. 2024 ఎన్నికల వరకు పవన్ కళ్యాణ్ వరుస సినిమాలతో బిజీగా ఉంటారని తెలుస్తోంది.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
Home