పవర్ స్టార్ పవన్ కళ్యాణ్, రానా దగ్గుబాటి ల కాంబినేషన్లో ‘అయ్యప్పనుమ్ కోషియమ్’ రీమేక్ తెరకెక్కుతున్న సంగతి తెలిసిందే.సాగర్ చంద్ర దర్శకత్వం వహిస్తున్న ఈ చిత్రానికి మాటల మాంత్రికుడు త్రివిక్రమ్ సంభాషణలు సమకూరుస్తున్నాడు. ‘సితార ఎంటర్టైన్మెంట్స్’ బ్యానర్ పై సూర్యదేవర నాగ వంశీ ఈ చిత్రాన్ని నిర్మిస్తున్న సంగతి తెలిసిందే. పవన్ కళ్యాణ్ ఈ మూవీలో మరోసారి పోలీస్ ఆఫీసర్ భీమ్లా నాయక్ పాత్రలో కనిపిస్తుండడంతో మాస్ ఆడియెన్స్ లో ఈ మూవీ పై మంచి క్రేజ్ ఏర్పడింది.
2022 సంక్రాంతి కానుకగా ఈ చిత్రాన్ని విడుదల చేయబోతున్నట్టు దర్శకనిర్మాతలు ఆల్రెడీ ప్రకటించారు. ఈ నేపథ్యంలో ఈ మూవీకి సంబంధించి నాన్ థియేట్రికల్ బిజినెస్ కూడా మొదలైపోయింది. అందుతున్న సమాచారం ప్రకారం..ప్రఖ్యాత ఆదిత్య మ్యూజిక్ సంస్థ వారు ఈ చిత్రం ఆడియో హక్కులను కొనుగోలు చేసినట్టు తెలుస్తుంది. ఫ్యాన్సీ రేటు చెల్లించి వారు ఈ చిత్రం ఆడియో హక్కులను కొనుగోలు చేశారట. త్వరలోనే దీని గురించి అధికారిక ప్రకటన రానుంది.
దాంతో పాటు ఈ చిత్రం టైటిల్ ను కూడా పవన్ కళ్యాణ్ పుట్టినరోజు నాడు ప్రకటిస్తారట. తమన్ ఈ చిత్రానికి సంగీతం అందిస్తున్న సంగతి తెలిసిందే. పవన్ కళ్యాణ్ గత చిత్రం ‘వకీల్ సాబ్’ కు కూడా అతను మంచి మ్యూజిక్ అందించాడు.దాంతో ఏరి కోరి తమన్ ను ఈ చిత్రానికి ఎంపిక చేసుకున్నట్టు తెలుస్తుంది.మరి ఈ మూవీకి అతను ఎలాంటి మ్యూజిక్ అందిస్తాడో తెలియాల్సి ఉంది.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
