దిల్ రాజు నిర్మాణంలో పవన్ కళ్యాణ్ సినిమా..!

‘జనసేన’ పార్టీని బలోపేతం చేసే పనిలో బిజీగా ఉన్నాను… సినిమాలు చేయను అని చెప్పిన పవర్ స్టార్ పవన్ కళ్యాణ్… ఎట్టకేలకు సినిమా చేయడానికి దిగొచ్చాడు. ఇప్పటికే కొంతమంది డైరెక్టర్లని కలిసి కథలు వింటూ వస్తున్న పవన్ కళ్యాణ్.. ఎట్టకేలకు దిల్ రాజు నిర్మాణంలో సినిమా చేయడానికి ఓకే చెప్పేసాడని తెలుస్తుంది. ‘ఓ మై ఫ్రెండ్’ ‘ఎం.సి.ఏ’ వంటి హిట్లిచ్చిన దర్శకుడు వేణుశ్రీరాం ఈ చిత్రాన్ని డైరెక్ట్ చేయబోతున్నాడట. బాలీవుడ్ లో అమితాబ్ నటించిన సూపర్ హిట్ ‘పింక్’ కు రీమేక్ గా ఈ చిత్రం తెరకెక్కబోతుందని సమాచారం.

‘పింక్’ రీమేక్ ను తమిళంలో కూడా రీమేక్ చేయగా… అక్కడ కూడా సూపర్ హిట్ అయ్యింది. పవన్ రీ ఎంట్రీకి ఇలాంటి దమ్మున్న కథ అయితేనే బాగుంటుందని భావిస్తున్నాడట. ఇప్పటి వరకూ మహేష్ బాబు, రాంచరణ్, అల్లు అర్జున్, ఎన్టీఆర్ వంటి స్టార్ హీరోలందరితోనూ సినిమాలు చేసిన దిల్ రాజుకి పవన్ కళ్యాణ్ తో సినిమా చేసే అవకాశం దక్కలేదు. దీంతో ఈ ప్రాజెక్ట్ ను చాలా ప్రెస్టీజియస్ గా చిత్రీకరించబోతున్నాడని తెలుస్తుంది. మరి తెలుగులో ‘పింక్’ రీమేక్ ఏ స్థాయి విజయాన్ని నమోదు చేస్తుందో చూడాలి..!

మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!.