పవన్ ఫ్యాన్స్ కి అండగా నిలిచి దిల్ రాజు

September 12, 2020 / 08:17 PM ISTByFilmy Focus

Join Us

పవర్ స్టార్ పవన్ కళ్యాణ్ సోషల్ మీడియా వేదికగా నిర్మాత దిల్ రాజుకు కృతజ్ఞతలు తెలిపారు. ఆయన చేసిన సాయం చాలా గొప్పది అంటూ కొనియాడారు. పవన్ బర్త్ డే సంధర్భంగా చిత్తూరు జిల్లా కుప్పంలో కొందరు ఫ్యాన్స్ బ్యానర్ కడుతూ ప్రమాదానికి గురయ్యారు. బ్యానర్ కడుతున్న సమయంలో కరెంట్ షాక్ కి గురై ముగ్గురు యువకులు అక్కడిక్కక్కడే మరణించగా మరి కొందరు గాయాలపాలయ్యారు. ఈ దురదృష్టకర సంఘటనపై పవన్ విచారం వ్యక్తం చేశారు.

పవన్ ఫ్యాన్స్ సైతం తోటి జనసైనికుల హఠాన్మరణాన్ని జీర్ణించుకోలేక పోయారు. మృతుల కుటుంబాలను ఆదుకోవడానికి పలువురు ప్రముఖులు ముందు వచ్చారు. హీరో రామ్ చరణ్, అల్లు అర్జున్ వారి కుటుంబాలకు ఆర్ధిక సాయం ప్రకటించారు. కాగా వకీల్ సాబ్ చిత్ర నిర్మాతగా ఉన్న దిల్ రాజు కూడా మృతుల కుటుంబాలకు అండగా నిలిచారు. ఆయన 6 లక్షల రూపాయలు బాధిత కుటుంబాలకు అందజేయనున్నట్లు ప్రకటించారు. దీనితో పవన్ నిర్మాత దిల్ రాజుకు ధన్యవాదాలు తెలిపారు.

Pawan Kalyan says thanks to Dil Raju1

దిల్ రాజు మంచి మనసును ఆయన కొనియాడారు. ఇక వకీల్ సాబ్ చిత్రీకరణ త్వరలో మొదలుకానుంది. కేవలం 20రోజుల షూటింగ్ మాత్రమే మిగిలి ఉండగా వీలైనంత త్వరగా షూటింగ్ పూర్తి చేయాలని నిర్మాత దిల్ రాజు భావిస్తున్నారు. ఇక వకీల్ సాబ్ ఓటిటి లో విడుదల అవుతుందని వస్తున్న వార్తలను దిల్ రాజు ఖండించారు. వకీల్ సాబ్ థియేటర్స్ లోనే విడుదల అవుతుందని ఆయన స్పష్టం చేశారు. ఇక ఓటిటి సంస్థల నుండి వకీల్ సాబ్ కి భారీ ఆఫర్స్ వస్తున్నాయని సమాచారం.