పవర్ స్టార్ పవన్ కళ్యాణ్ రీఎంట్రీలో ఏ మాత్రం గ్యాప్ తీసుకోకుండా వరుసగా సినిమాల్లో నటిస్తున్న సంగతి తెలిసిందే. వకీల్ సాబ్ రిలీజ్ కావడానికి ముందే పవన్ అయ్యప్పనుమ్ కోషియమ్ రీమేక్ తో పాటు హరిహర వీరమల్లు సినిమాల షూటింగ్ లో పాల్గొన్నారు. ఈ సినిమాలతో పాటు హరీష్ శంకర్ డైరెక్షన్ లో మరో సినిమాకు పవన్ గ్రీన్ సిగ్నల్ ఇచ్చారు. అయితే పవన్ కు కరోనా సోకడం వల్ల ఆయన నటిస్తున్న సినిమాల షూటింగ్ లు వాయిదా పడ్డాయి.
అయితే మే నెల తొలివారం నుంచి పవన్ షూటింగ్ లలో పాల్గొంటారని ప్రచారం జరిగింది. పవన్ కు కరోనా నెగిటివ్ వచ్చినా ఊపిరితిత్తుల్లో ఇన్ఫెక్షన్ పూర్తిగా తగ్గలేదని సమాచారం. అందువల్ల పవన్ ఇప్పట్లో షూటింగ్ లలో పాల్గొనే అవకాశం లేదని తెలుస్తోంది. పవన్ మరికొన్ని రోజులు విశ్రాంతి తీసుకోవాలని వైద్యులు ఆయనకు సూచనలు చేసినట్టు తెలుస్తోంది. పవన్ పూర్తిస్థాయిలో కోలుకున్న తరువాత ఆయన నటించే సినిమాల షూటింగ్ లు ప్రారంభం కానున్నాయి.
ప్రస్తుతం షూటింగ్ చేసే పరిస్థితులు కూడా లేకపోవడంతో పవన్ అయ్యప్పనుమ్ కోషియమ్, హరిహర వీరమల్లు షూటింగ్ లను సాధారణ పరిస్థితులు ఏర్పడిన తర్వాతే మొదలుపెట్టాలని నిర్మాతలకు చెప్పినట్టు తెలుస్తోంది. మరోవైపు పవన్ కళ్యాణ్ దిల్ రాజు నిర్మాతగా మరో సినిమా చేయడానికి గ్రీన్ సిగ్నల్ ఇచ్చిన సంగతి తెలిసిందే. ఈ సినిమాకు వకీల్ సాబ్ డైరెక్టర్ శీరామ్ వేణు దర్శకత్వం వహించే అవకాశాలు ఉన్నాయని వార్తలు వస్తున్నాయి. శ్రీరామ్ వేణు చెప్పిన స్టోరీ లైన్ దిల్ రాజుకు బాగా నచ్చిందని పవన్ కు కూడా లైన్ నచ్చితే శ్రీరామ్ వేణు ఈ సినిమా స్క్రిప్ట్ పనులు మొదలుపెడతారని సమాచారం.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
Home