పండుగకు అందరూ కానుకలు ఇస్తే పవర్ స్టార్ పవన్ కళ్యాణ్ మాత్రం షాక్ ఇచ్చారు. ప్రస్తుతం డాలీ దర్శకత్వంలో కాటమ రాయుడు చిత్రీకరణలో బిజీగా ఉన్న ఆయన.. దసరా రోజు తన నెస్ట్ సినిమా వివరాలను ప్రకటించి సినీ వర్గాలను ఆశ్చర్యపరిచారు. తమిళ దర్శకుడు నీశన్ డైరెక్షన్లో కొత్త సినిమాను ప్రారంభించి అభిమానుల్లో ఉత్సాహాన్ని నింపారు.
అయితే ఈ న్యూస్ త్రివిక్రమ్ శ్రీనివాస్ కి మాత్రం షాక్ కి గురి చేసింది. దీంతో “అ.. ఆ” తర్వాత ఏ సినిమా ఒప్పుకోకుండా పవన్ డేట్స్ కోసం ఎదురు చూస్తున్న మాటల మాంత్రికుడి పరిస్థితి తేలుకుట్టిన దొంగలా అయింది. కాటమ రాయుడు తర్వాత పవన్ తన తోనే మూవీ చేస్తారని స్క్రిప్ట్ పనుల్లో నిమగ్నయిన త్రివిక్రమ్ కి ప్రస్తుతం ఏమి పాలుపోవడం లేదు.
మరికొన్ని నెలలు ఖాళీగా కూర్చోవాలా? లేదంటే మరో హీరో తో సినిమా ప్రకటించాలా? అనే సందిగ్ధంలో పడ్డారు. అందరి సమస్యలకు పరిష్కార మార్గాలు చూపించే పవన్ తన మిత్రుడు త్రివిక్రమ్ కి ఏమని సలహా ఇస్తాడో కొన్ని రోజుల్లో తెలియనుంది.
