Pawan Kalyan: అనారోగ్యం పాలైన పవన్ కళ్యాణ్.. ఏమైందంటే?

పవన్ కళ్యాణ్ (Pawan Kalyan) మరోసారి వైరల్ ఫీవర్ బారిన పడినట్టు సమాచారం. కొన్నాళ్లుగా ఆయన జనాల్లోనే ఉంటూ, జనాలతోనే ఉంటూ పని చేస్తూ వస్తున్నారు. ప్రమాదకరమైన పరిసరాల్లో కూడా తిరిగేస్తున్నారు. అందువల్లనే పవన్ కళ్యాణ్ మరోసారి వైరల్ ఫీవర్ బారిన పడ్డారని డిప్యూటీ సీఎం కార్యాలయం అధికారులు తెలియజేశారు. వైరల్ ఫీవర్‌తో మాత్రమే స్పాండిలైటిస్‌తో(వెన్నెముక నొప్పితో) కూడా ఆయన బాధపడుతున్నట్లు స్పష్టమవుతుంది. ఈ క్రమంలో రెండు, మూడు రోజుల పాటు బెడ్ రెస్ట్ తీసుకోవాల్సిందిగా వైద్యులు పవన్ కి సూచించినట్లు తెలుస్తోంది.

Pawan Kalyan

అందువల్ల రాష్ట్ర కేబినెట్ సమావేశానికి పవన్ కళ్యాణ్ హాజరు కాకపోవచ్చని వినికిడి. మరోపక్క పవన్ కళ్యాణ్ త్వరగా కోలుకోవాలని ఆయన వీరాభిమానులు కోరుకుంటూ సోషల్ మీడియాలో కామెంట్లు పెడుతున్నారు. మరోపక్క రాజకీయాల్లో పవన్ కళ్యాణ్ బిజీగా ఉంటున్నప్పటికీ.. ఆయన పెండింగ్లో ఉంచిన 3 సినిమాల షూటింగ్లకి కూడా డేట్స్ ఇస్తూ వస్తున్నారు. ఆల్రెడీ ఆయన ‘హరిహర వీరమల్లు’ (Hari Hara Veera Mallu) షూటింగ్ కంప్లీట్ చేసినట్లు టాక్ నడుస్తుంది. మార్చి 28నే ఈ సినిమా విడుదల అవుతుంది అని పవన్ కళ్యాణ్ పీఆర్ టీం గట్టిగా చెబుతోంది.

అయితే పవన్ కళ్యాణ్ అభిమానులు ఎక్కువగా ఎదురుచూస్తుంది మాత్రం ‘ఓజి’ (OG Movie) సినిమా కోసమనే చెప్పాలి. ఈ సినిమా గ్లింప్స్ ఇప్పటికీ యూట్యూబ్లో ట్రెండింగ్లో దూసుకుపోతున్న సంగతి తెలిసిందే. అలాగే హరీష్ శంకర్ (Harish Shankar) దర్శకత్వంలో పవన్ కళ్యాణ్ ‘ఉస్తాద్ భగత్ సింగ్’ (Ustaad Bhagat Singh) అనే సినిమా కూడా పూర్తి చేయాలి. ఆ రెండు కంప్లీట్ అయ్యాక.. దీనిని పూర్తి చేస్తారు పవన్ కళ్యాణ్.

బాక్సాఫీస్ వద్ద ఎదురీదుతున్న ‘మదగజరాజ’ ..!