పవర్ స్టార్ పవన్ కళ్యాణ్ వరుస సినిమాలు ఒప్పేసుకుంటున్నారు. మరోపక్క రాజకీయాల్లో యాక్టివ్ గా ఉంటున్నారు. దీంతో ఆయన ఒప్పుకున్న సినిమాలను ఎప్పుడు పూర్తి చేస్తారో తెలియడం లేదు. ఈ క్రమంలో ఆయన కొన్ని సినిమాలను హోల్డ్ లో పెట్టినట్లు వార్తలొచ్చాయి. అందులో సురేందర్ రెడ్డి సినిమా ఉంది. రెండేళ్ల క్రితం ఈ సినిమాను అఫీషియల్ గా వెల్లడించారు. ఎస్ఆర్టీ ఎంటర్టైన్మెంట్స్ బ్యానర్ లో సురేందర్ రెడ్డి దర్శకుడిగా పవన్ సినిమాను అనౌన్స్ చేశారు.
ఆ తరువాత ఇప్పటివరకు సినిమాకి సంబంధించి ఎలాంటి అప్డేట్ రాలేదు. అసలు ఈ సినిమా ఎప్పుడు పట్టాలెక్కుతుందో కూడా ఎవరికీ తెలియదు. ప్రాజెక్ట్ అనౌన్స్ చేయడం తప్ప ఎలాంటి అప్డేట్ లేకపోవడం, మరోపక్క పవన్ రాజకీయంగా బిజీ అవ్వడంతో ఈ సినిమా ఆగిపోయిందనే వార్తలొచ్చాయి. కానీ ఈ సినిమా కచ్చితంగా ఉంటుందని చెబుతున్నారు మేకర్స్. ఈరోజు పవన్ కళ్యాణ్ పుట్టినరోజు సందర్భంగా మేకర్స్ ఒక పోస్టర్ ను వదిలారు. అందులో హైదరాబాద్ మహానగరాన్ని చూపించారు.
ఇక ఈ సినిమా గురించి నిర్మాత రామ్ తాళ్లూరి మాట్లాడుతూ.. ఈ ప్రాజెక్ట్ కచ్చితంగా ఉంటుందని.. సురేందర్ రెడ్డి ‘ఏజెంట్’ పూర్తయ్యాక ఈ సినిమా ఉంటుందని చెప్పారు. ప్రస్తుతం పవన్, సురేందర్ ఇద్దరూ బిజీగా ఉండడంతో ఈ ప్రాజెక్ట్ ఆలస్యమైంది. ఈ సినిమాకి వక్కంతం వంశీ కథ అందిస్తున్నారు. ఇదిలా ఉండగా..
ఈరోజు పవన్ కళ్యాణ్ పుట్టినరోజు సందర్భంగా అతడు నటిస్తోన్న పాన్ ఇండియా సినిమా ‘హరిహర వీరమల్లు’ టీజర్ ని వదిలారు. ప్రస్తుతం ఈ వీడియో సోషల్ మీడియాలో ట్రెండ్ అవుతోంది. ఇందులో పవన్ పెర్ఫార్మన్స్ ఓ రేంజ్ లో ఉంది. తొడగొట్టే సీన్ హైలైట్ గా నిలిచింది.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
