‘అజ్ఞాతవాసి’ చిత్రం తరువాత రాజకీయాల్లో బిజీగా ఉండడంతో సినిమాలకు దూరంగా ఉంటూ వచ్చారు పవన్ కళ్యాణ్. అయితే 2020లో వరుస సినిమాలు చేస్తున్నట్టు ప్రకటించి అందరినీ సర్ప్రైజ్ చేశారు. కరోనా వల్ల లాక్ డౌన్ కనుక రాకుండా ఉంటే.. ఈ పాటికే ‘వకీల్ సాబ్’ చిత్రం విడుదలయ్యి ఉండేది. వేణు శ్రీరామ్ డైరెక్షన్లో తెరకెక్కుతోన్న ఈ చిత్రాన్ని దిల్ రాజు, బోణి కపూర్ లు కలిసి నిర్మిస్తున్నారు.ఈ మధ్యనే షూటింగ్ లో జాయినయిన పవన్ కళ్యాణ్… వీలైనంత త్వరగా ఈ ప్రాజెక్టు ఫినిష్ అవ్వాలని దర్శకనిర్మాతలకు చెప్పాడట.
దీంతో ఈ నెలాఖరు లోపే షూటింగ్ కంప్లీట్ అయ్యే అవకాశం ఉందని వారు కూడా జవాబిచ్చినట్టు తెలుస్తుంది. ఈ చిత్రంతో పాటు మలయాళం సూపర్ హిట్ అయిన ‘అయ్యప్పనుమ్ కోషియం’ రీమేక్ లో కూడా పవన్ నటించబోతున్న సంగతి తెలిసిందే. డిసెంబర్ నుండీ పవన్ లేని సన్నివేశాలతో షూటింగ్ ను ప్రారంభించెయ్యమని.. దర్శకనిర్మాతలకు పవన్ సూచించినట్టు తెలుస్తుంది. అయితే ‘అయ్యప్పనుమ్ కోషియం’ రీమేక్ లో రెండో హీరో ఇంకా ఫిక్స్ అవ్వలేదు.
మొదట రానా ని అనుకున్నారు. కానీ ఇప్పుడు అతను ఈ ప్రాజెక్టు చెయ్యడానికి డేట్స్ అడ్జస్ట్ చెయ్యలేకపోతున్నాడని వినికిడి. దాంతో ఆది పినిశెట్టిని లేదా సుదీప్ ను ఎంపిక చేసుకునే పనిలో పడ్డారట దర్శకనిర్మాతలు. ఇదే విషయాన్ని పవన్ దగ్గర ప్రస్తావించగా అందుకు ఆయన కూడా ఓకే చెప్పేసినట్టు టాక్. ఏమైనా ఈ రెండు ప్రాజెక్టులను ఫాస్ట్ గా ఫినిష్ చేసెయ్యాలి అనే పవన్ బలంగా ఫిక్స్ అయినట్టు తెలుస్తుంది. అలా అయితే 2021 సమ్మర్ లోపే ఈ రెండు చిత్రాలు రిలీజ్ అయ్యే అవకాశం ఉంది.
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
Home