‘చివరి’దశలో ‘బాలీవుడ్’కి అవసరమా!!!

మన తెలుగు చిత్ర పరిశ్రమలో ఏ హీరోకి అయినా…హీరోయిన్ కి అయినా లాంగ్ రన్ లో టార్గెట్ బాలీవుడ్ అనేది ఒప్పుకోక తప్పని నిజం. కాసేపు హీరోయిన్స్ విషయం పక్కన పెట్టి హీరోస్ విషయమే తీసుకుంటే కొందరు హీరోలు ఎంత ప్రయత్నించినా బాలీవుడ్ లో అవకాశాలు దక్కవు, కొందరు ఎంత వద్దు అనుకున్నా బాలీవుడ్ రా..రమ్మని పిలుస్తూ ఉంటుంది. ఇదిలా ఉంటే తాజాగా మరో టాలీవుడ్ హీరో బాలీవుడ్ ఎంట్రీ ఇవ్వబోతున్నాడు, ఎవరంటారా…ఎవరో కాదు మన పవర్ స్టార్ పవన్ కల్యాణ్. అదేంటి మరో రెండు మూడు సినిమాలు తీసి తాను రాజకీయాల్లో క్రియాశీలకంగా ఉంటాను అని ఈ మధ్యనే ప్రకటించిన ఈ యువ హీరో…ఈ వయసులో బాలీవుడ్ ఎంట్రీ ఏంటి అంటారా…అదే ట్విష్ట్, విషయం ఏమిటంటే….పవన్ కల్యాణ్ తాజాగా బాలీవుడ్ క్రిటిక్ అనుపమ చోప్రాకు ఇంటర్‌వ్యూ ఇచ్చాడు. ఇక ఆ ఇంటర్‌వ్యూ కూడా యూ ట్యూబ్ లో వైరల్ గా పోతుంది.

ఇక ఇదే క్రమంలో, తెలుగులో ఇన్ని మీడియాలు ఉండగా….ఆమెకే పవన్ ఎందుకు అవకాశం ఇచ్చాడు అనేది హాట్ టాపిక్ గా మారడంతో అసలు విషయం బయటకు వచ్చింది….అదేమిటంటే….తాజాగా పవన్ నటిస్తున్న గబ్బర్ సింగ్ సీక్వెల్…’సర్దార్ గబ్బర్ సింగ్’ ను పవన్ హిందిలో కూడా రిలీజ్ చేసేందుకు ప్లాన్ చేస్తున్నారు. అయితే అక్కడ మైలెజ్ కోసం పవన్ తొలి ప్రయత్నంగా ఇలా ఇంటర్‌వ్యూ రూపంలో దర్శనం ఇచ్చాడు అంటున్నారు. అంతేకాకుండా….త్వరలోనే ముంబయ్ లో పవన్ – కాజల్ అండ్ దేవిశ్రీ ప్రసాద్ కలసి ఒక ప్రెస్ మీట్ కూడా పెడతారట. అలా పవన్ తన శక్తి అంతా ఉపయోగించి బాలీవుడ్ ఎంట్రీ కోసం ఆలోచనలు చేస్తున్నాడు. మరి పవర్ స్టార్ పవర్ అక్కడ వర్క్ ఔట్ అవుతుందో లేదో చూడాలి.