సైన్ చేసిన రెండు చిత్రాలను ఆపేయాలని చూస్తున్న పవన్ ?

పవర్ స్టార్ పవన్ కళ్యాణ్ ఇబ్బందుల్లో ఉన్నారు. ఒప్పుకున్న సినిమాలను పూర్తి చేసి ప్రజల్లోకి వెళ్లాలా? .. ఎన్నికల తర్వాత సినిమాలు చేయాలా ? అనే సందిగ్ధంలో ఉన్నారు. ప్రస్తుతం మాటల మాంత్రికుడు త్రివిక్రమ్ శ్రీనివాస్ దర్శకత్వంలో పవన్ సినిమా చేస్తున్నారు. ఈ చిత్రాన్ని సెప్టెంబర్ నాటికీ కంప్లీట్ చేసి అక్టోబర్ లో రిలీజ్ చేయాలనీ అనుకున్నారు. కానీ అనుకోని సమావేశాల కారణంగా షూటింగ్ అక్టోబర్ వరకు కొనసాగే పరిస్థితి నెలకొని ఉంది. కాబట్టి పవన్ 25 వ సినిమా సంక్రాంతికి రిలీజ్ చేసేలా డిసైడ్ అయ్యారు. ఇది ఒకే.. దీని తర్వాత చకచకా సినిమాలు చేసేయాలని రెండింటికి సైన్ చేశారు.

మైత్రీ మూవీ బ్యానర్ లో సంతోష్ శ్రీనివాస్ దర్శకత్వంలో ఓ సినిమా, ఎ.ఎం రత్నం సమర్పణలో నేసన్ దర్శకత్వంలో మరో సినిమా అంగీకరించారు. ప్రస్తుతం చేస్తున్న సినిమానే వేగంగా కంప్లీట్ కాలేదు. మరి ఆ రెండింటి పరిస్థితి ఏంటని పవన్ ఆలోచనలో పడ్డట్టు తెలిసింది. పైగా ఇతర రాజకీయ పార్టీలు ఎన్నికలకు సన్నద్ధం అవుతున్నాయి. జనసేన పార్టీని బలోపేతం చేయాల్సిన అవసరం కూడా ఉంది. ఈ కారణాల వల్ల ఆ రెండు చిత్రాలను నిలిపేస్తే మంచిదని నిర్మాతలతో పవన్ చర్చిస్తున్నట్లు సమాచారం.  మరి తుది నిర్ణయం ఏమి తీసుకుంటారో చూడాలి.

Also, do SUBSCRIBE to our YouTube channel to get latest Tollywood updates.