జనసేన అధినేత, పవర్ స్టార్ పవన్ కళ్యాణ్ (Pawan Kalyan) పాలిటిక్స్ కు సంబంధించి నిర్దేశించుకున్న భారీ లక్ష్యాలను దాదాపుగా సాధించారనే సంగతి తెలిసిందే. పవన్ కళ్యాణ్ కు మంత్రి పదవి దక్కడంతో ఫ్యాన్స్ సంతోషిస్తున్నారు. అయితే పొలిటికల్ గా అంతకంతకూ బిజీ అవుతున్న పవన్ కళ్యాణ్ సినిమాల విషయంలో ఏం చేయబోతున్నారనే చర్చ జరుగుతోంది. పవన్ ఇప్పటికే ఓకే చెప్పిన సినిమాల పరిస్థితి ఏంటనే ప్రశ్నలు వ్యక్తమవుతున్నాయి. అయితే పవన్ సినిమాలకు గుడ్ బై చెబుతారని కొన్ని వార్తలు వినిపిస్తున్న నేపథ్యంలో ఆ వార్తల గురించి మెగా ఫ్యామిలీ నుంచి క్లారిటీ వచ్చేసింది.
చిరంజీవి (Chiranjeevi) పెద్ద కూతురు సుష్మిత కొణిదెల (Sushmita Konidela) ఈ ప్రశ్నల గురించి రియాక్ట్ అవుతూ పవర్ స్టార్ సినిమాలకు బ్రేక్ ఇస్తారు తప్ప గుడ్ బై చెప్పరు అని అన్నారు. పవన్ సినిమాలకు గుడ్ బై చెబితే ఆ వార్త ఫ్యాన్స్ కు గుండె పగిలే వార్త అవుతుందని ఆమె పేర్కొన్నారు. ఎన్నో ఎదుర్కొన్న తర్వాత పవన్ కళ్యాణ్ డిప్యూటీ సీఎం హోదాలోకి వచ్చారని ప్రస్తుతం పవన్ ఫ్యాన్స్ ఫుల్ హ్యాపీగా ఉన్నారని సుష్మిత చెప్పుకొచ్చారు.
ఏపీలో పవన్ కళ్యాణ్ చేసే మంచి పనులను చూసి మురిసిపోవాలని ఆమె కామెంట్లు చేశారు. సుష్మిత చేసిన కామెంట్లు పవన్ కళ్యాణ్ ఫ్యాన్స్ కు సంతోషాన్ని కలిగిస్తుండటం గమనార్హం. పవన్ కళ్యాణ్ సినిమాలకు భారీ స్థాయిలో బిజినెస్ జరుగుతుండగా పవన్ సినిమాల్లో ఏ సినిమా మొదట విడుదలవుతుందో చూడాల్సి ఉంది.
పవన్ ఓజీ సినిమా (OG Movie) వచ్చే ఏడాది సమ్మర్ కానుకగా విడుదల కానుందని సమాచారం అందుతోంది. ఉస్తాద్ భగత్ సింగ్ (Ustaad Bhagat Singh) , హరిహర వీరమల్లు (Hari Hara Veera Mallu) సినిమాల రిలీజ్ డేట్లకు సంబంధించి క్లారిటీ రావాల్సి ఉంది. పవన్ సినిమాలపై అంచనాలు అంతకంతకూ పెరుగుతున్నాయి.
