దాసరి నారాయణ రావు కుటుంబాన్ని పరామర్శించిన సినీ, రాజకీయ ప్రముఖులు

అనారోగ్యంతో మూడు రోజుల క్రితం హైదరాబాద్ లోని కిమ్స్ ఆస్పత్రిలో చేరిన దర్శకరత్న దాసరి నారాయణరావు కోలుకుంటున్నారు. ఆయనను ఐసీయూలో ఉంచి వైద్య నిపుణులు మెరుగైన వైద్యాన్ని అందిస్తున్నారు. దాసరిని చూసేందుకు సినీ, రాజకీయ ప్రముఖులు తరలి వచ్చారు. పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ శ్రీనివాస్ దాసరి కుటుంబ సభ్యులతో మాట్లాడి ఆయన ఆరోగ్య పరిస్థితిని తెలుసుకున్నారు.

అలాగే నట కిరీటి రాజేంద్ర ప్రసాద్ దాసరిని చూసి వచ్చి మీడియాతో మాట్లాడారు. “మామయ్య దాసరికి చక్కని వైద్యం అందిస్తున్నారు. వేగంగా కోలుకుంటున్నారు. అది ఇన్ఫెక్షన్ కావడంతో ఆయనతో కలవలేకపోయాము. త్వరలోనే దాసరి బయటికి వస్తారు” అని వివరించారు.   డైలాగ్ కింగ్ మోహన్ బాబు, నటుడు మంచు మనోజ్ లు దాసరి నారాయణ రావు కుటుంబ సభ్యుల వెంట ఉంటూ అవసరమైన పనులను చేస్తున్నారు. దాసరి నారాయణరావును కుటుంబాన్ని పరామర్శించిన వారిలో వైసీపీ అధ్యక్షుడు జగన్ తదితరులు ఉన్నారు.

Also, do SUBSCRIBE to our YouTube channel to get latest Tollywood updates.