పవన్ కళ్యాణ్ ఇప్పుడు ఐరన్ లెగ్ అయ్యాడుగా!

దాదాపు 12 సినిమాలు వరుసబెట్టి ఫ్లాప్ అయ్యి హీరోగా కనీస స్థాయి గుర్తింపు లేక ఇబ్బందిపడుతున్న తరుణంలో “ఇష్క్” సినిమా ఆడియో విడుదల వేడుకకి పవన్ కళ్యాణ్ గెస్ట్ గా రావడంతో ఆ సినిమాకి మంచి బజ్ క్రియేట్ అయ్యి సినిమా కూడా హిట్ అయ్యింది. దాంతో సినిమా హిట్ కి పవన్ కళ్యాణ్ గెస్ట్ గా రావడమే కారణం అనుకొన్న నితిన్ అప్పట్నుంచి పవన్ కళ్యాణ్ కి వీరాభిమానిగా మారిపోయాడు. ఆ తర్వాత సప్తగిరి “సప్తగిరి ఎక్స్ ప్రెస్” సినిమా ఆడియో ఫంక్షన్ ఈవెంట్ కు పవన్ కళ్యాణ్ ను స్పెషల్ గెస్ట్ గా పిలిపించుకొన్నాడు. ఆ సినిమా కూడా హిట్ అయ్యింది. దాంతో పవన్ కళ్యాణ్ చీఫ్ గెస్ట్ గా వస్తే సినిమా హిట్ అనే సెంటిమెంట్ మొదలైంది.

కట్ చేస్తే.. “చల్ మోహన్ రంగ, నేల టికెట్టు” సినిమా ఆడియో ఫంక్షన్స్ కి పవన్ కళ్యాణ్ ను చీఫ్ గెస్ట్ గా ఇన్వైట్ చేశారు. పవన్ కళ్యాణ్ కూడా కాదనకుండా వచ్చాడు. కానీ.. ఆ రెండు సినిమాలు డిజాస్టర్స్ గా నిలిచాయి. దాంతో ఇప్పుడు పవన్ కళ్యాణ్ చీఫ్ గెస్ట్ గా వస్తే సినిమా ఫ్లాపవుతుంది అనే సెంటిమెంట్ మొదలైంది. మరి ఇకపై పవన్ కళ్యాణ్ ను వేరే హీరోలు చీఫ్ గెస్ట్ గా పిలుస్తారో లేదో చూడాలి.