పదేళ్ల తర్వాత పవర్ స్టార్ పవన్ కళ్యాణ్ గబ్బర్ సింగ్ సినిమాతో సూపర్ హిట్ అందుకున్నారు. హరీష్ శంకర్ దర్శకత్వంలో తెరకెక్కిన ఈ మూవీ పవన్ ని మళ్లీ హిట్ బాటలోకి తీసుకొచ్చింది. ఆ ఉత్సాహంతో సర్దార్ గబ్బర్ సింగ్ అంటూ ఈ ఏడాది పవర్ స్టార్ పలకరించారు. ఈ సారి అంచనాలు తలకిందులయ్యాయి. దర్శకుడు బాబీ తో కలిసి పవన్ చేసిన ప్రయోగం దెబ్బకొట్టింది. సీక్వెల్ కి తొలి సినిమా తీసిన డైరక్టర్ నే తీసుకుంటే బాగుండేదని అర్ధమయింది. సరే జరిగిన నష్టాన్ని తీసుకురాలేము కాబట్టి పవన్ కళ్యాణ్ తర్వాతి సినిమా పనుల్లో బిజీ అయ్యారు.
ప్రస్తుతం డాలీ దర్శకత్వంలో కాటమరాయుడు చేస్తున్న ఆయన, తర్వాత ఆర్ టీ నేసన్, త్రివిక్రమ్ శ్రీనివాస్ తో కలిసి పనిచేసేందుకు గ్రీన్ సిగ్నల్ ఇచ్చారు. ఈ సమయంలో హరీష్ శంకర్ గబ్బర్ సింగ్ 3 చిత్రాన్ని తీయాలనే ప్రపోజల్ ని పవన్ ముందు ఉంచారు. అందుకు అయన ఒకే చెప్పడంతో త్వరలో ఈ కథ డెవలప్ చేయడానికి రంగంలో దిగనున్నారు. ఇప్పుడు స్టైలిష్ స్టార్ అల్లు అర్జున్ తో దువ్వాడ జగన్నాథం మూవీ చేస్తున్న హరీష్ శంకర్ ఆ తర్వాత గబ్బర్ సింగ్ 3 కి స్క్రిప్ట్ సిద్ధం చేయనున్నారు. పవన్ మూడు చిత్రాలు షూటింగ్ పూర్తి అయ్యే లోపున పక్కా స్క్రిప్ట్ తో హరీష్ సిద్దమవుతారని, వీరిద్దరి కలయికలో మరో సూపర్ హిట్ ఖాయమని ఫిల్మ్ నగర్ వాసులు చెబుతున్నారు.
Also, do SUBSCRIBE to our YouTube channel to get latest Tollywood updates.
