OG Movie: ‘ఓజీ’ ట్రీట్ కోసం ఇంకా ఎన్నాళ్ళు ఆగాలంటే?

సినిమాల్లోకి రీ ఎంట్రీ ఇచ్చిన తర్వాత పవన్ కళ్యాణ్ (Pawan Kalyan)  ‘వకీల్ సాబ్’ (Vakeel Saab) ‘భీమ్లా నాయక్’ (Bheemla Nayak) ‘బ్రో’ (Bro) వంటి సినిమాల్లో నటించారు. ఇందులో ఏదీ కూడా నిరాశపరచలేదు.. అలా అని అభిమానులకి మంచి కిక్ ఇచ్చిందంటూ కూడా లేదు. ఎందుకంటే.. ఇవి 3 కూడా రీమేక్ సినిమాలే. ఇవి రీమేక్ అవుతాయి అని తెలియక.. అది కూడా పవన్ కళ్యాణ్ వీటి రీమేక్..లలో నటిస్తారు అని తెలీక ఒరిజినల్ వెర్షన్స్ ని చాలా మంది ప్రేక్షకులు అప్పటికే చూసేశారు.

OG Movie

అందువల్ల ఇవి వారిని సర్ప్రైజ్ చేసింది అంటూ ఏమీ లేదు. ఇలాంటి టైంలో పవన్ ‘ఓజీ’ (OG Movie)  అనే స్ట్రైట్ మూవీ చేస్తున్నారు అని తెలిసి చాలా మంది అభిమానులు ఆసక్తి చూపించారు. దానికి తోడు గ్లింప్స్ కూడా అదిరిపోయింది. ‘అలాంటివాడు మళ్ళీ తిరిగి వస్తున్నాడు అంటే?’ అనే ఒక్క డైలాగ్ యావత్ సినీ అభిమానులను ఓ ఊపు ఊపేసింది. ఇదిలా ఉండగా.. సెప్టెంబర్ 27న ‘ఓజీ’ రిలీజ్ అవుతుంది అని తెలిసినప్పటి నుండి అభిమానులు వేయి కళ్ళతో ఎదురు చూడటం మొదలుపెట్టారు.

కానీ రాజకీయాల్లో పవన్ బిజీ అవ్వడం వల్ల.. సినిమా షూటింగ్లలో ఆయన పాల్గొనడం కుదర్లేదు. కానీ ‘ఓజీ బాగుంటుంది అని ఆయన కాన్ఫిడెంట్ గా మొన్నామధ్య ఓ సందర్భంలో చెప్పడంతో’ అభిమానులు ఈ ‘ఒక్క సినిమా అయినా కంప్లీట్ చెయ్యి అన్నా’ అంటూ ఉత్సాహం చూపడం మొదలుపెట్టారు. నాని వంటి హీరోలు సైతం ‘ఓజీ అప్డేట్ కావాలని’ డిమాండ్ చేసిన సంగతి తెలిసిందే.

దీంతో త్వరలోనే షూటింగ్ మొదలుపెడతామని నిర్మాత డీవీవీ దానయ్య (D. V. V. Danayya)  చెప్పుకొచ్చారు. అంతే కాకుండా ఇప్పుడు ఇంకో అప్డేట్ కూడా వచ్చింది.2025 మార్చి 27న ‘ఓజీ’ చిత్రం రిలీజ్ కాబోతోందట. త్వరలోనే దీనికి సంబంధించిన అధికారిక ప్రకటన రానుంది. సెప్టెంబర్ 2న పవన్ కళ్యాణ్ పుట్టినరోజు ఉండటంతో.. ఆ రోజు కొత్త రిలీజ్ డేట్ ను ప్రకటించే అవకాశం ఉంది.

తొలిసారి ఓన్ డబ్బింగ్ చెప్పుకోబోతున్న రజినీకాంత్.. ఏ భాషలో అంటే?