‘పుష్ప’ సినిమాకు సంబంధించి ఫొటోలు, వీడియోలు చాలా లీక్‌ అవుతున్నాయి. చిత్రబృందం ఎంత చెప్పినా, వార్నింగ్‌లు ఇచ్చినా ఎవరూ వినడం లేదు. క్రియేటివిటీ చూపించి మరీ సినిమాకు సంబంధించిన సమాచారాన్ని లీక్‌ చేసేస్తున్నారు. అయితే తాజాగా వచ్చిన ఓ లీక్‌ పవన్‌ కల్యాణ్‌ అభిమానులకు పండగలా అనిపిస్తోంది. పనిలోపనిగా అల్లు అర్జున్‌ – బన్నీ ఫ్యాన్స్‌ కూడా సంబరపడిపోతున్నారు. ‘పుష్ప’ సినిమాలో అల్లు అర్జున్‌ ఓ లారీ డ్రైవర్‌గా కనిపిస్తాడనే విషయం తెలిసిందే.
ఇప్పటివరకు వచ్చిన లుక్స్‌, వీడియోల్లో అదే కనిపించింది కూడా. తాజాగా సినిమా సెట్‌లో ఆ లారీ ఉన్న ఫొటో కొటి బయటికొచ్చింది. ఆ లారీ ఎదురు అద్దం మీద పవన్‌ కల్యాణ్‌ బ్లాక్ అండ్‌ వైట్‌ ఫొటో కనిపిస్తోంది. సాధారణంగా చాలా లారీలకు ఇలాంటి ఫొటోలు కనిపిస్తాయి. అయితే బన్నీ నడిపే లారీ మీద ఈ ఫొటో ఉండటం ఇక్కడ ఆసక్తికరం. పవన్‌ కల్యాణ్‌, బన్నీ మధ్య పొరపచ్చాలు ఉన్నాయంటూ చాలా రోజుల నుండి వార్తలొస్తున్నాయి.
అప్పుడెప్పుడో ఓ ఈవెంట్‌లో బన్నీ అన్నమాట పట్టుకొని లాగి లాగి పీకేస్తున్నారు. ఆ తర్వాత ఇద్దరూ ఓ సందర్భంలో కలసి మాట్లాడుకున్నారు. అయినా ఇంకా ఆ చర్చలు సాగుతూనే ఉన్నాయి. ఇప్పుడు బన్నీ లారీ మీద పవన్‌ ఫొటో పెట్టి వాటికి చెక్‌ చెప్పాలని చూస్తున్నారా? లేక అనుకోకుండా అలా జరిగిందా? అనేది తెలియాలి.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home