చిరంజీవిని కలిసి అభినందించిన పవన్ కళ్యాణ్

సినిమాల్లో మెగాస్టార్ చిరంజీవి రీ ఎంట్రీ విజయవంతం కావడంతో మెగా కుటుంబ సభ్యులందరూ సంతోషంగా ఉన్నారు. చిరు పదేళ్ల తర్వాత నటించిన ఖైదీ నంబర్ 150 మూవీ బ్లాక్ బస్టర్ కావడంతో ప్రతి ఒక్కరూ ఆయనకు శుభాకాంక్షలు తెలియజేస్తున్నారు. అరవై ఏళ్ళ వయసులోనూ అదిరిపోయే పర్ఫరామెన్స్ ఇచ్చారని సినీ పెద్దల నుంచి, అభిమానుల వరకు అభినందనల వర్షం కురిపిస్తున్నారు. కాటమరాయుడు చిత్రీకరణలో బిజీగా ఉన్న పవర్ స్టార్ పవన్ కళ్యాణ్ కొన్ని రోజుల ఆలస్యంగా ఖైదీ నంబర్ 150 మూవీ చూశారు. అందులో అన్నయ్య గ్రేస్, హుషారు చూసి స్టన్ అయిపోయారు. ఈ విషయాన్నీ అన్నయ్యతో పంచుకోవాలని నిన్న రాత్రి వ్యక్తిగతంగా ఇంటికి వెళ్లి కలిశారు.

మూవీలో తనకి నచ్చిన సీన్ల గురించి మెగాస్టార్ తో గంటల తరబడి పవన్ కళ్యాణ్ మాట్లాడినట్లు సమాచారం. అంతే కాదు ఈ మూవీని ఎక్కడా కాంప్రమైజ్ కాకుండా నిర్మించిన రామ్ చరణ్ ని మెచ్చుకున్నట్లు తెలిసింది. ఖైదీ నంబర్ 150 ప్రీ రిలీజ్ ఫంక్షన్ కి పవన్ రాకపోవడంతో నిరుత్సాహంగా ఉన్న మెగా అభిమానులకు ఈ న్యూస్ ఆనందాన్ని తెచ్చిపెట్టింది.

Also, do SUBSCRIBE to our YouTube channel to get latest Tollywood updates.