నేడు ప్రారంభమయిన పవన్ కళ్యాణ్ కొత్త మూవీ షూటింగ్

పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ శ్రీనివాస్ మధ్య అనుబంధం పై వచ్చిన రూమర్లు తుస్సుమన్నాయి. దసరాకి నీసన్ దర్శకత్వంలో పవన్ కొత్త సినిమా పూజ కార్యక్రమాలు జరుపుకోవడంతో త్రివిక్రంతో సినిమా అటకెక్కిందని అంతా అనుకున్నారు. ఆ అనుమానాలు నేటితో తొలిగిపోయాయి. ఈరోజు ఉదయం 10.40 గంటలకు త్రివిక్రమ్, పవన్ కాంబినేషన్లో తెరకెక్కనున్న చిత్రం షూటింగ్ మొదలయింది. పవన్ కళ్యాణ్ పై ముహూర్తపు షాట్ ని చిత్రీకరించారు. హారిక అండ్ హాసిని క్రియేషన్స్ బ్యానర్లో రాధాకృష్ణ నిర్మిస్తున్న.

ఈ మూవీకి “దేవుడే దిగివచ్చిన” వర్కింగ్ టైటిల్ అనుకుంటున్నారు. తమిళ యువ మ్యూజిక్ డైరక్టర్ అనిరుధ్ స్వరాలను అందిస్తున్న మూవీలో అత్తగా అలనాటి హీరోయిన్ ఖుష్బూ నటిస్తున్నట్లు సమాచారం. ప్రస్తుతం డాలీ దర్శకత్వంలో కాటమరాయుడు చిత్రం షూటింగ్ లో పవన్ బిజీగా ఉన్నారు. ఈ సినిమా నిర్మాణంలో  ఉండగానే త్రివిక్రమ్ మూవీని సెట్స్ పైకి తెచ్చారు. ఈ రెండు చిత్రాలను ఏకకాలంలో పూర్తి చేయడానికి పవర్ స్టార్ భావిస్తున్నారు. కాటమరాయుడు వచ్చే ఏడాది మార్చి 29 న రిలీజ్ అవుతుంది. మే నెలలో పవన్, త్రివిక్రమ్ మూవీ విడుదలకు ప్లాన్ చేస్తున్నారు.