ముస్తాబవుతున్న పవన్, త్రివిక్రమ్ సినిమా ఫస్ట్ లుక్

కాటమరాయుడు తర్వాత పవన్ కళ్యాణ్, త్రివిక్రమ్ దర్శకత్వంలో సినిమా చేస్తున్నారు. సాఫ్ట్ వేర్ ఇంజినీర్ గా పవన్ నటిస్తున్న ఈ చిత్రంలో కీర్తి సురేష్, అను ఇమ్మానుయేల్ హీరోయిన్స్ గా నటిస్తున్నారు. ఈ సినిమాలో అలనాటి హీరోయిన్ కుష్బూ ఓ కీలక రోల్ పోషిస్తోంది. అత్తారింటికి దారేది కాంబినేషన్లో తెరకెక్కుతోన్న ఈ మూవీ వేగంగా షూటింగ్ జరుపుకుంటోంది. హారిక అండ్ హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ సినిమాకి ఇప్పటివరకు టైటిల్ ఫిక్స్ చేయలేదు. ప్రీ లుక్ గానీ, ఫస్ట్ లుక్ గానీ  రిలీజ్ చేయలేదు. అందుకే పవన్ ఫ్యాన్స్ నిరాశలో ఉన్నారు.

వారిని ఉత్సాహపరచడానికి స్వాతంత్ర దినోత్సవ కానుకగా ఆగస్ట్ 15న పవన తన కొత్త మూవీ ఫస్ట్ లుక్ ను విడుదల చేయనున్నట్లు తెలిసింది. చిత్ర బృందం ప్రస్తుతం అదే పనిలో ఉన్నట్లు ఫిలిం నగర్ వాసులు చెబుతున్నారు. టైటిల్ విషయంలో ఒక క్లారిటీ రాకపోవడంతో చర్చలు కొనసాగిస్తున్నారు. పరదేశ ప్రయాణం, ఇంజినీర్ బాబు, గోకుల కృష్ణుడు వంటి టైటిల్స్ లో ఏ టైటిల్ ఖరారు అవుతుందో తెలుసుకోవాలంటే మరో పది రోజులు ఆగాల్సిందే.

Also, do SUBSCRIBE to our YouTube channel to get latest Tollywood updates.