పవన్ సినిమా టైటిల్ పై క్లారిటీ ఇచ్చిన చిత్ర బృందం

డైరక్టర్ త్రివిక్రమ్ శ్రీనివాస్ తో పవర్ స్టార్ పవన్ కళ్యాణ్  సినిమా అనగానే దానిపై విపరీతమైన క్రేజ్ వచ్చింది. ఈ మూవీ విశేషాలు తెలుసుకోవాలనే ఆత్రుత పెరిగింది. అందుకే సోషల్ మీడియాలో వచ్చిన టైటిల్స్ కి అభిమానులు ఫిక్స్ అయిపోతున్నారు. అయితే అవేమీ నిజం కాదని చిత్ర బృందం ఈ రోజు స్పష్టం చేసింది.  సినిమా ప్రారంభం సమయంలో “దేవుడే దిగి వచ్చినా..” అనే పేరు చక్కర్లు కొట్టింది. ఆ తర్వాత  పరదేశ ప్రయాణం” అనే అనే పేరు పరిశీలిస్తున్నట్లు  వార్తలు షికారు చేశాయి. తాజాగా పవన్ 25 చిత్రానికి  “రాజు వచ్చినాడు” అనే టైటిల్ ఫిక్స్ చేసినట్లు వార్త గుప్పుమంది.

ఈ విషయం చిత్ర యూనిట్ కి చేరడంతో.. ఈ టైటిల్స్ ఏవి నిజం కాదని స్పష్టం చేశాయి. పవన్ పుట్టిన రోజు (సెప్టెంబర్ 2 )న సినిమా టైటిల్ తో పాటు ఫస్ట్ లుక్ కూడా రిలీజ్ చేయనున్నట్లు సమాచారం.  పవన్ సాఫ్ట్ వేర్ ఇంజినీర్ గా నటిస్తున్న ఈ మూవీలో హీరోయిన్లుగా అను ఇమ్మానియేల్, కీర్తి సురేష్ నటిస్తున్నారు. సీనియర్ నటి కుష్బూ కీలకరోల్ పోషిస్తోంది. విక్టరీ వెంకటేష్ గెస్ట్ రోల్ చేస్తున్న ఈ  చిత్రంపై అంచనాలు భారీగా ఉన్నాయి.  హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీని  సంక్రాంతికి రిలీజ్ చేయనున్నారు.

Also, do SUBSCRIBE to our YouTube channel to get latest Tollywood updates.