Pooja Hegde: పూజా హెగ్డే బర్త్ డే ని సెలబ్రేట్ చేసిన వెంకీ మామ, సల్మాన్ ఖాన్..ఫోటోలు వైరల్..!

October 13, 2022 / 06:34 PM ISTByFilmy Focus

Join Us

Pooja Hegde: పూజా హెగ్డే బర్త్ డే ని సెలబ్రేట్ చేసిన వెంకీ మామ, సల్మాన్ ఖాన్..ఫోటోలు వైరల్..!

టాలీవుడ్ స్టార్ హీరోయిన్ పూజా హెగ్డే… ఈ 3 ఏళ్లలో పాన్ ఇండియా స్టార్ హీరోయిన్ పూజా హెగ్డే గా ఎదిగిన సంగతి తెలిసిందే. తెలుగుతో పాటు సౌత్ లోని అన్ని భాషల్లో రూపొందే సినిమాల్లోనూ అలాగే హిందీలో రూపొందే పలు సినిమాల్లోనూ హీరోయిన్ గా నటిస్తుంది ఈ బ్యూటీ. ప్రస్తుతం ఈ భామ బాలీవుడ్లో సల్మాన్ ఖాన్ హీరోగా రూపొందుతున్న ‘కిసీకి భాయ్ కిసీ క జాన్’ అనే చిత్రంలో నటిస్తూ బిజీగా గడుపుతోంది.

ఈ చిత్రంలో టాలీవుడ్ స్టార్ హీరో వెంకటేష్ కూడా నటిస్తున్నారు. ఈ చిత్రంలో ఆయన పూజా హెగ్డే కి అన్నయ్య పాత్రలో కనిపించబోతున్నట్టు చాలా కాలంగా ప్రచారం జరుగుతుంది. అంతేకాదు రాంచరణ్ కూడా ఈ చిత్రంలో ఓ ఇంపార్టెంట్ రోల్ ప్లే చేస్తున్నట్టు భోగట్టా. మరోపక్క ఈ మూవీ తమిళంలో సూపర్ హిట్ అయిన ‘వీరం'(తెలుగులో ‘కాటమరాయుడు’ గా రీమేక్ అయ్యింది) కి రీమేక్ అనే టాక్ కూడా నడుస్తోంది.

ఇదిలా ఉండగా… ఈరోజు పూజా హెగ్డే పుట్టినరోజు. అయినప్పటికీ ఆమె ‘కిసీకి భాయ్ కిసీ క జాన్’ షూటింగ్లో పాల్గొంటుంది. ఈ క్రమంలో విషయం తెలుసుకున్న వెంకటేష్, సల్మాన్ ఖాన్ లు పూజకి స్వీట్ సర్ప్రైజ్ ఇచ్చారు. దీంతో పూజా ఆనందం వ్యక్తం చేసింది. అదే ఆనందంలో ఉండగా.. సల్మాన్,వెంకటేష్ లు కేక్ తినిపించారు.ఇందుకు సంబంధించిన బ్యూటిఫుల్ పిక్స్ సోషల్ మీడియాలో వైరల్ అవుతున్నాయి. ఈ సినిమాతో పాటుగా పూజ … మహేష్- త్రివిక్రమ్ ల సినిమాలో కూడా హీరోయిన్ గా నటిస్తుంది.