Pooja Hegde: కొత్త ఇంటికొచ్చి బ్రష్‌ పట్టిన బుట్టబొమ్మ

దీపముండగానే ఇల్లు చక్కదిద్దుకోవాలి అని చెబుతుంటారు మన పెద్దోళ్లు. ఈ మాటను హీరోయిన్లకు ఆపాదించాలంటే… ఫేమ్‌, ఫామ్‌ ఉండగానే లైఫ్‌ సెట్‌ చేసుకోవాలి. ప్రస్తుతం ఈ పని మీదే బిజీగా ఉంది పూజా హెగ్డే. చాలా కాలం క్రితం తమిళ సినిమాతో కెరీర్‌ ప్రారంభించిన బుట్టబొమ్మ… తొలినాళ్లలో సరైన విజయాలు లేక ఇబ్బందిపడింది. బాలీవుడ్‌కి వెళ్లి ‘మొహంజదారో’ చేసినా ఉపయోగం లేకుండా పోయింది. తిరిగి దక్షిణాదికి వచ్చి… తన అదృష్టం పరీక్షించుకొని, ఇప్పుడు ఏకంగా నేషనల్‌ హీరోయిన్‌గా మారిపోయింది.

‘మాస్క్‌’ సినిమాలో పూజా హెగ్డేకి, ఇప్పుడు పూజకు చాలా తేడా ఉంది. లుక్‌లోనూ, లక్‌లోనూ మారిపోయింది. ప్రతి సినిమాకీ కొత్త జోష్‌ చూపిస్తూ వరుస ఆఫర్లతో దూసుకుపోతోంది. ఈ క్రమంలో రెమ్యూనరేషన్‌ పరంగానూ గట్టిగానే అందుకుంటోంది. తీసుకున్న డబ్బుతో మరి ఏం చేస్తుందో మనకు ఎలాగూ చెప్పదు కానీ… ఒక మంచి ఇల్లు అయితే కట్టుకుంటోందని తాజాగా తెలిసింది. ముంబయిలోని పాష్‌ ఏరియాలో పూజ కొత్త ఇల్లు నిర్మించుకుంటోంది. దీనికి సంబంధించిన ఫొటోలు ఇప్పుడు వైరల్‌గా మారాయి.

దక్షిణాదికి చెందిన పూజ… తెలుగు సినిమాల్లో స్టార్‌ అయ్యింది. బాలీవుడ్‌లోనూ అదే జోరు చూపించాలని అనుకుంటోంది. అందుకే ముంబయిలో ఆ ఇల్లు తీసుకుందట. తన కుటుంబంతో త్వరలో ఆ ఇంటికి వెళ్తుందని సమాచారం. ప్రస్తుతం ఇంటి డెకరేషన్‌, పెయింటింగ్‌ లాంటివి జరుగుతున్నాయట. ఈ పనులను పర్యవేక్షిస్తున్నప్పుడు తీసిన ఫొటోలను పూజ సోషల్‌ మీడియాలో షేర్‌ చేసింది. ఇప్పుడవి వైరల్‌గా మారాయి. అన్నట్లు ‘బిల్డింగ్‌ మై డ్రీమ్స్‌’ అంటూ ఈ ఫొటోలకు పూజ రాసుకొచ్చింది.

1

2

3

4

నాట్యం సినిమా రివ్యూ & రేటింగ్!

Most Recommended Video

సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్‌ టాప్‌ భామల రెమ్యూనరేషన్‌ ఎంతంటే?