Pooja Hegde: పూజా హెగ్డే డేటింగ్ కహానీ

టాలీవుడ్ ‘బుట్టబొమ్మ’ పూజా హెగ్డే అందరికీ సుపరిచితమే. అగ్ర హీరోలందరి సరసన నటించి మెప్పించిన ఈ ముద్దుగుమ్మ, కొంతకాలంగా తెలుగు తెరకు దూరంగా ఉంటూ వస్తోంది. అరవింద సమేత వీర రాఘవ, మహర్షి, అల వైకుంఠపురములో వంటి హిట్లు ఈమె ఖాతాలో ఉన్నాయి. మోస్ట్ ఎలిజిబుల్ బ్యాచిలర్ కూడా బాగానే ఆడింది. కానీ ఆ తర్వాత ఈమె నటించిన సినిమాలు దారుణంగా ఫ్లాప్ అయ్యాయి. కెరీర్ పీక్ లో ఉన్నప్పుడు పారితోషికం భారీగా పెంచేయడం కూడా ఈమెకు మైనస్ అయ్యింది.

Pooja Hegde

అందువల్ల మిడ్ రేంజ్ సినిమాలకి ఈమె అందుబాటులో లేకుండా అయిపోయింది. ఈ క్రమంలో ఆఫర్లు కూడా తగ్గిపోయాయి. వేరే భాషల్లో చేసిన సినిమాలు కూడా ఆడలేదు. దీంతో పూజా కెరీర్ అయోమయంలో పడింది. రీ ఎంట్రీ ఇవ్వడానికి ఆమె రెడీగా ఉన్నా.. ఆమె డిమాండ్ చేసే పారితోషికం ఇవ్వలేని పరిస్థితి టాలీవుడ్ నిర్మాతలది. సరే ఈ విషయాలు పక్కన పెట్టేస్తే.. పూజా హెగ్డే కొన్నాళ్లుగా ఒక హీరోతో రిలేషన్ లో ఉన్నట్టు టాక్ నడుస్తుంది.బాలీవుడ్ నటుడు రోహన్ మెహ్రాతో పూజా పీకల్లోతు ప్రేమలో ఉన్నట్లు గుసగుసలు వినిపిస్తున్నాయి. రోహన్ మెహ్రా ఎవరో కాదు, దివంగత నటుడు వినోద్ మెహ్రా కుమారుడు.

వీరిద్దరూ గతంలో పలు ఈవెంట్లలో కలిసి కనిపించడమే కాకుండా, ముంబైలో ఏర్పాటు చేసిన ఒక డిన్నర్ డేట్‌లో కెమెరాలకు చిక్కడంతో ఈ రూమర్స్ మరింత బలపడ్డాయి. త్వరలో వీళ్ళు పెళ్ళి చేసుకోవాలని అనుకుంటున్నట్టు కూడా టాక్ నడుస్తోంది. అయితే ఈ గాసిప్స్ పై పూజా హెగ్డే కానీ ఆమె టీమ్ కానీ క్లారిటీ ఇచ్చింది లేదు. మరోపక్క ఈమె వరుణ్ ధావన్ తో కలిసి నటించిన హై జవానీ తో ఇష్క్ హోనా హై రిలీజ్ కి రెడీగా ఉంది. డేవిడ్ ధావన్ ఈ చిత్రానికి దర్శకుడు

 ‘మగధీర’ లో శ్రీహరిని షేర్ ఖాన్ పాత్ర చేయొద్దు అని చెప్పాను : డిస్కో శాంతి