పెద్దయ్యాక పూజా హెగ్డే అవుతుందట.. చిన్నారి వీడియో వైరల్..!

పూజా హెగ్డే ప్రస్తుతం టాలీవుడ్లో స్టార్ హీరోయిన్ గా కొనసాగుతోంది.మొదట ఈమెను ఐరన్ లెగ్ అన్నారు.. అలాంటిది ఇప్పుడు ఆమె కాళ్ళ పైనే పాటలు రాస్తున్నారు.అంతటి స్థాయికి ఎదిగింది పూజా హెగ్డే. ఒక్క పవన్ కళ్యాణ్, చరణ్ ల మినహా మిగిలిన టాప్ హీరోలందరి సరసన నటించింది ఈ బుట్టబొమ్మ. ప్రస్తుతం ప్రభాస్, అఖిల్ వంటి హీరోల సినిమాల్లో నటిస్తూ బిజీగా ఉన్న పూజ.. బాలీవుడ్లో కూడా పలు ఇంట్రెస్టింగ్ ప్రాజెక్టులకు సైన్ చేసిందని వినికిడి.

ఇదిలా ఉండగా.. యువత తో పాటు చిన్న పిల్లల్లో కూడా పూజా హెగ్డే కు ఫ్యాన్స్ ఉన్నారు. తాజాగా ఓ చిన్నారి పూజా హెగ్డే గురించి చేసిన కామెంట్స్ ఇప్పుడు తెగ వైరల్ అవుతున్నాయి. ఆ పాప కామెంట్స్ పూజా హెగ్డే వరకూ చేరుకోవడం.. దానికి ఆమె మురిసిపోవడం కూడా జరిగింది. వివరాల్లోకి వెళితే.. ‘ఓ చిన్నారిని ఓ వ్యక్తి నువ్వు పెద్దయ్యాక ఏమవుదామనుకుంటున్నావు..? నీకు ఏ హీరోయిన్ అంటే ఇష్టం ? అని అడిగాడు. దీనికి ఆ చిన్నారి బదులిస్తూ… ‘నాకు పూజా హెగ్డే అంటే చాలా ఇష్టం.

నేను పెద్దాయ్యక పూజా హెగ్దే అవుతాను’ అంటూ ముద్దు ముద్దు మాటలతో చెప్పుకొచ్చింది. ఈ వీడియో చూసిన పూజా హెగ్డే.. తన సోషల్ మీడియా ద్వారా స్పందించింది. ‘ఓ మైగాడ్‌ ఈ పాప వీడియోతో నా రోజు పరిపూర్ణం అయ్యింది. పాప బుగ్గలు భలే ఉన్నాయి. ఏదో ఒకరోజు కచ్చితంగా నిన్ను కలుస్తాను. అప్పటివరకూ నా ప్రేమ‌, ముద్దులు ఈ ట్వీట్ ద్వారా పంపిస్తున్నాను’ అంటూ పేర్కొంది పూజా హెగ్డే.

@hegdepooja #iwillbecomeheroinpoojahegde
From @Rethushananaidupasam :
“Nenu heroine Pooja Hegde avtha”
“నేను హీరోయిన్ పూజా హెగ్డే అవుతా” pic.twitter.com/xyqv7oERqc

— 🇮🇳మహేష్ పాశం. Mahesh Pasam.🇮🇳 (@mahesh_pasam) November 10, 2020

ఈ 15 సినిమాలకి మొదటి ఛాయిస్ ఈ హీరోయిన్లు కాదు.. మరెవరో తెలుసా..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
‘కలర్ ఫోటో’ నుండీ హృదయాన్ని హత్తుకునే 15 డైలాగులు ఇవే..!