Pooja Hegde: బుట్టబొమ్మ రెమ్యునరేషన్ పెంచిన త్రివిక్రమ్!

సూపర్ స్టార్ మహేష్ బాబు, త్రివిక్రమ్ కాంబినేషన్ లో మూడో సినిమా రాబోతున్న సంగతి తెలిసిందే. రీసెంట్ గా మహేష్ పుట్టినరోజు సందర్భంగా ఈ సినిమాలో హీరోయిన్, టెక్నీషియన్స్ వివరాలను వెల్లడించారు. మహేష్ తో గతంలో ‘మహర్షి’ సినిమా చేసిన పూజాహెగ్డే ఇప్పుడు మరోసారి రొమాన్స్ చేయడానికి రెడీ అవుతోంది. నిజానికి పూజాహెగ్డే ఇప్పుడు చాలా బిజీగా ఉంది. తెలుగుతో పాటు తమిళ, హిందీ భాషల్లో వాంటెడ్ హీరోయిన్ గా మారింది.

విజయ్ తో ‘బీస్ట్’, బాలీవుడ్ లో ‘సర్కస్’, ‘భాయ్ జాన్’ లాంటి సినిమాలు చేస్తోంది. మరోపక్క ‘రాధేశ్యామ్’ను పూర్తి చేయాలి. ఇంత బిజీగా ఉన్నప్పటికీ త్రివిక్రమ్ అడగడంతో మహేష్ బాబు సినిమాకి డేట్స్ ఇవ్వడానికి రెడీ అయింది. ఆమె డైరీ మొత్తం ఫుల్ అయిపోయినా.. మహేష్ తో సినిమా చేయడానికి ముందుకొచ్చింది. దీంతో దర్శకుడు త్రివిక్రమ్.. పూజాహెగ్డేకి ఎక్కువ రెమ్యునరేషన్ ఆఫర్ చేశారట. రీసెంట్ గానే ఈ బ్యూటీ తన రెమ్యునరేషన్ రూ.2.5 కోట్లకు పెంచింది.

ఇప్పుడు త్రివిక్రమ్ అండ్ నిర్మాతలు ఆమెకి రూ.3 కోట్లు రెమ్యునరేషన్ ఇవ్వాలని నిర్ణయించుకున్నారట. సౌత్ లో ఈ రేంజ్ లో రెమ్యునరేషన్ అందుకునే హీరోయిన్లు ఒకరిద్దరు మాత్రమే ఉంటారు. ఇప్పుడు పూజా హెగ్డే కూడా ఆ లిస్ట్ లో చేరిపోయింది.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!