ప్రభాస్ కోపానికి కారణం చెప్పిన అల్లరి నరేష్

హీరోగా నటించిన తొలి సినిమా పేరునే ఇంటి పేరుగా మార్చుకున్న నటుడు అల్లరి నరేష్. తనదైన స్టైల్లో నవ్వించడమే కాకుండా స్టార్ హీరోల సినిమాల్లోని సీన్లను స్పూఫ్ చేసి హాస్యాన్ని పండిస్తుంటారు. నరేష్ నటనను సదరు హీరోలు సైతం ఆనందిస్తుంటారు. ఇలా స్పూఫ్ లు చేస్తుంటే ఏ హీరో మీ పైన కోప్పడలేదా ? అని నరేష్ ని ఓ ఇంటర్వ్యూ లో అడగగా .. అందుకు ఆయన నవ్వుతూ సమాధానం చెప్పారు. “నేను చేసే స్పూఫ్ లకి ఇంతవరకూ ఎవరూ బాధ పడలేదు.

కానీ ఓ సారి ఫంక్షన్ లో ప్రభాస్, నితిన్ ని కలిసినప్పుడు వారు  “మేము ఆరేడు నెలలు కష్టపడి సిక్స్ ప్యాక్ రప్పిస్తే.. నువ్వు సింపుల్ గా సిగరెట్ ప్యాక్ లు పెట్టి చూపిస్తున్నావు. దానివల్ల ఇప్పుడు సిక్స్ ప్యాక్ అంటే అందరూ నవ్వుతున్నారు” అని నన్ను సరదాగా అడిగారు. “వారు చెప్పిన దాంట్లో నిజముంది. అయినా నన్ను ఆలా చేయద్దని మాత్రం చెప్పలేదు. నా యాక్టింగ్ అభినందిస్తుంటారు” అని నరేష్ వివరించారు. అల్లరి నరేష్ హీరోగా నటించిన తాజా చిత్రం “ఇంట్లో దెయ్యం నాకేమి భయ్యం” మూవీ విడుదలకు సిద్ధంగా ఉంది.

Also, do SUBSCRIBE to our YouTube channel to get latest Tollywood updates.