ప్రభాస్, అనుష్క ప్రేమలో ఉన్నారని సోషల్ మీడియాలో జోరుగా ప్రచారం!

యంగ్ రెబల్ స్టార్ ప్రభాస్‌, స్వీటీ అనుష్క ప్రేమలో ఉన్నారని అనేక సార్లు వార్తలు మీడియాలో హల్ చల్ చేశాయి. బాహుబలి కంక్లూజన్ సమయంలో ఈ న్యూస్ దేశవ్యాప్తంగా హాట్ టాపిక్ అయింది. అప్పుడు తామిద్దరం మంచి ఫ్రెండ్స్ అని చెప్పడంతో ఆ గాసిప్స్ ఆగాయి. కానీ నిన్నటి నుంచి వీరిద్దరి గురించి సోషల్ మీడియాలో జోరుగా ప్రచారం సాగుతోంది. “ప్రభాస్ అభిమానులకు బ్రేకింగ్ న్యూస్ “బిల్లా”, “మిర్చి”, “బాహుబలి”, “బాహుబలి 2 ” చిత్రాల్లో ప్రేమికులుగా నటించిన ప్రభాస్‌, అనుష్కలు కొంతకాలంగా ప్రేమలో ఉన్నారు. డిసెంబరులో వీరి నిశ్చితార్థం జరగబోతోంది” అని బాలీవుడ్ కి చెందిన ఉమైర్ సందు నిన్న ట్వీట్ చేశారు.

దీంతో ఈ వార్త వేగంగా వ్యాపించింది. అయితే ఈ వార్తల్ని ప్రభాస్‌ ప్రతినిధులు ఖండించారు. ఇది తప్పుడు ప్రచారమని స్పష్టం చేశారు. నిజంగానే ప్రభాస్‌, అనుష్కల మధ్య అనుబంధం ఉంటే.. దాన్ని వారే స్వయంగా ప్రకటిస్తారని చెప్పారు. అంతేకానీ సంబంధం లేని వారు సోషల్‌మీడియా ద్వారా ప్రకటించరని వెల్లడించారు. ప్రస్తుతం ప్రభాస్ సాహో సినిమాతో, అనుష్క భాగమతి చిత్రంతో బిజీ గా ఉన్నారు. ఈ వార్తలపై వారు ఏమంటారో చూడాలి.