Fauzi: ఆజాద్‌ హింద్‌ ‘ఫౌజ్‌’గా ప్రభాస్‌.. మరి సుభాష్‌ చంద్రబోస్‌ ఎవరు?

ప్రభాస్‌ – హను రాఘవపూడి కాంబినేషన్‌లో రూపొందుతున్న చిత్రం ‘ఫౌజీ’. సినిమా ప్రారంభం నుండే ఈ టైటిల్‌ ప్రచారంలో ఉంది. అనుకున్నట్లుగానే సినిమా పేరును చిత్రబృందం ఫైనల్‌ చేసేసి అనౌన్స్‌ చేసింది. ఎప్పుడైతే ఈ టైటిల్‌ పెడుతున్నారో.. దీనికి నేతాజీ సుభాష్‌ చంద్రబోస్‌ నేతృథ్వంలో భారత స్వాతంత్ర్యం కోసం పోరాడిన ఆజాద్‌ హింద్‌ ఫౌజ్‌తో ఈ సినిమాకు సంబంధం ఉంది అని వార్తలు రావడం మొదలయ్యాయి. ఇప్పుడు టైటిల్‌ తరహాలోనే ఈ పుకార్లు కూడా నిజమవుతున్నాయి అని చెబుతున్నారు.

Fauzi

ఈ సినిమాలో మన ఫౌజీ ప్రభాస్‌.. ఆజాద్‌ హింద్‌ ఫౌజ్‌లో సభ్యుడే అని తెలుస్తోంది. నేతాజీ సుభాష్ చంద్రబోస్ నాయకత్వంలో భారత స్వాతంత్ర్యం కోసం ఆయన చేసే పోరాటమే ఈ సినిమా ప్రధాన కథాంశమని సమాచారం. ఇందులో ప్రభాస్ బ్రిటీష్ ఇండియన్ ఆర్మీలో సైనికుడిగా పనిచేసి, ఆ తర్వాత సుభాష్ చంద్రబోస్ నేతృత్వంలోని ఆజాద్ హింద్ ఫౌజ్‌లో చేరుతాడట. అలా ఈ సినిమా నేతాజీ బయోపిక్‌లా మాత్రమే కాకుండా, భారతదేశ స్వాతంత్య్రం కోసం పోరాడిన సైనికుల కథను చూపించే ప్రయత్నం అని టాక్‌.

ఈ సినిమాలో ప్రభాస్‌ పాత్ర ధైర్యసాహసాలు, త్యాగం, దేశభక్తితో నిండి ఉంటుందని ప్రత్యేకంగా చెప్పక్కర్లేదు. అయితే ఈ విషయంలో ఇంకా ఎక్కడా అధికారిక ప్రకటన రాలేదు. ఇదంతా తేలియాలంటే నవంబర్‌ నెల రావాలి. ఎందుకంటే డిసెంబరు 3న ‘ఫౌజీ’ రిలీజ్‌ చేస్తామని టీమ్‌ చెప్పింది. నాగార్జున చెప్పినట్లుగా టైమ్‌కి ఈ సినిమా రిలీజ్‌ చేస్తే నవంబరులో ప్రచారం స్టార్ట్‌ చేస్తారు. కాబట్టి అప్పుడు విషయాలు తెలుస్తాయి. అదంతా పక్కన పెడితే ఈ సినిమాలో నేతాజీ సుభాష్‌ చంద్రబోస్‌గా నటించేది ఎవరు అనేది ఇప్పుడు పాయింట్‌.

ఆజాద్‌ హింద్‌ ఫౌజ్‌ గురించి చూపించినప్పుడు కచ్చితంగా అందులో నేతాజీని చూపించాలి. మరి ఆ పాత్రను చేసేది ఎవరు అనేదే ఇక్కడ ప్రశ్న. ఈ పాత్ర షూటింగ్‌ ఇంకా అవ్వలేదు అని చెబుతున్నారు. దీని కోసం ఓ సీనియర్‌ స్టార్‌ హీరోతో చర్చలు జరుగుతున్నాయని టాక్‌.

టాలీవుడ్‌ అనగానే మా అమ్మ ఆ మాటే చెప్పింది: రషా తడానీ