ఈశ్వర్ సినిమాతో హీరోగా కెరీర్ ను మొదలుపెట్టి బాహుబలి సిరీస్ సినిమాలతో ప్రభాస్ ప్రపంచవ్యాప్తంగా గుర్తింపును సంపాదించుకున్నారు. కోట్ల సంఖ్యలో అభిమానులను సంపాదించుకున్న ఈ హీరో 100 కోట్ల రూపాయలకు అటూఇటుగా పారితోషికం తీసుకుంటున్నారని తెలుస్తోంది. తాజాగా ఒక సందర్భంలో ప్రభాస్ మాట్లాడుతూ తన ఇష్టాయిష్టాల గురించి, వ్యక్తిగత విషయాల గురించి చెప్పుకొచ్చారు. సినిమాల్లోకి రాకముందు హీరోలలో తనకు షారుఖ్ ఖాన్, సల్మాన్ ఖాన్, రాబర్ట్ డి నిరో ఇష్టమని హీరోయిన్లలో జయసుధ, త్రిష, శ్రియ అంటే ఇష్టమని ప్రభాస్ చెప్పుకొచ్చారు.
తన ఫేవరెట్ హీరోయిన్లతో తరువాత కాలంలో కలిసి నటించే అవకాశం తనకు దక్కిందని ప్రభాస్ తెలిపారు. తన బలహీనతల గురించి ప్రభాస్ మాట్లాడుతూ మొదటినుంచి తనకు బద్ధకం ఎక్కువగా ఉండేదని అదే తనకున్న అతిపెద్ద బలహీనత అని ప్రభాస్ వెల్లడించారు. మున్నాభాయ్ ఎంబీబీఎస్, త్రీ ఈడియట్స్ సినిమాలు తనకు ఎంతో ఇష్టమని కనీసం 20సార్లు తాను ఆ సినిమాలను చూసి ఉంటానని ప్రభాస్ పేర్కొన్నారు. రాజ్ కుమార్ హిరానీ డైరెక్షన్ లో నటించాలని అనిపించిందని ఆ అవకాశం వస్తుందో లేదోనని ప్రభాస్ అన్నారు.
చిన్నప్పటి నుంచి హోటల్ రంగం వైపు వెళ్లాలని ఉండేదని అనుకోకుండా సినిమా రంగంలోకి వచ్చానని ప్రభాస్ తెలిపారు. తనకు బిర్యానీ అంటే ఇష్టమని బాహుబలి షూటింగ్ సమయంలో 15 రకాల బిర్యానీలు తెప్పించుకుని తినేవాడినని ప్రభాస్ చెప్పుకొచ్చారు. ఇంట్లోనే కోటిన్నర రూపాయలు ఖర్చు చేసి సొంతంగా జిమ్ ను ఏర్పాటు చేసుకున్నానని ప్రభాస్ వెల్లడించారు. దుబాయ్, పారిస్, లండన్ అంటే తనకు ఎంతో ఇష్టమని కర్నూలు జిల్లాలోని శ్రీశైలానికి తరచూ వెళుతుంటానని ప్రభాస్ తెలిపారు.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home