తన ఇమేజ్ ను మర్చిపోయాడో, లేక పక్కన పెట్టాడో.. తెలీదు కానీ మన ప్రభాస్ రకరకాల ప్రయోగాలు అన్నీ చేయడానికి రెడీ అయ్యాడు. ‘బాహుబలి’ కి ముందో లేక ‘ఏక్ నిరంజన్’ టైంలోనో ఇలాంటి ప్రయోగాలు చేస్తే అది వేరేగా ఉండేది. కానీ ‘మిర్చి’ తర్వాత ప్రభాస్ ఇమేజ్ మారింది. ‘బాహుబలి’ తో అది రాష్ట్రాలు, దేశాలు దాటింది. ఇక ‘బాహుబలి2’ తర్వాత అయితే అది ఖండాలు కూడా దాటింది అని చెప్పొచ్చు.
ఇలాంటి టైంలో ప్రభాస్ ‘రాధే శ్యామ్’ అనే సినిమా తీసి అందులో హాస్పిటల్ లో ఏదేదో పిచ్చి కామెడీ చేసి, తనని కొట్టడానికి వచ్చినవాళ్ల మీద పెద్ద పెద్ద క్యారెట్లు వంటివి విసిరి.. జనాల సహనానికి పరీక్ష పెట్టాడు. కొన్ని ఫ్యాక్షన్ సినిమాల్లో హీరోని క్యారెక్టర్ ఆర్టిస్ట్ చూసి ‘ నువ్వేంటి అన్నా ఇలా అయిపోయావ్, నీ రేంజ్ ఏంటి అన్నా’ అంటూ ఫ్లాష్ బ్యాక్ చెప్పడం మొదలుపెట్టినట్టు..
ఎవరైనా ప్రభాస్ కు ఈ డైలాగ్ చెప్పి తన ఫ్లాష్ బ్యాక్ చెప్తే బాగుణ్ణు అనిపిస్తుంటుంది. సరే ఈ విషయాలను పక్కన పెట్టేస్తే.. మారుతి దర్శకత్వంలో ప్రభాస్ ఓ సినిమా చేయబోతున్నాడు. ఈ నెలలోనే షూటింగ్ మొదలవుతుంది అని చాలా నెలలుగా చెబుతున్నారు. అలాగే స్టోరీ కూడా ఇదే అంటూ ఏవేవో ఊహాగానాలు చెబుతున్నారు. ఇదో హారర్ కథాంశంతో కూడిన థ్రిల్లర్ మూవీ అని ఎప్పుడో రివీల్ అయ్యింది.ఇందులో ప్రభాస్ దెయ్యంగా కనిపిస్తాడట.
ఓ ప్రభాస్ ని ఆవహించడం దీంతో ప్రభాస్ వింత వింతగా ప్రవర్తించడం ఇలా జరుగుతుంటుందట. ప్రభాస్ వంటి యాక్షన్ హీరో, పాన్ ఇండియా హీరో ఇలా చేస్తున్నాడు అంటే వినడానికే నీరసం వచ్చేయడం సహజం. మారుతి సినిమాల్లో ఎంటర్టైన్మెంట్ ఉంటుంది కానీ ప్రభాస్ నుండి ఆశించే యాక్షన్ లేకపోతే దేనిని కూడా ఆస్వాదించలేము. అలాగే ఇందులో ప్రభాస్ నిధుల అన్వేషణ కోసం తిరుగుతుంటాడట. అతని తాత పాత్రలో బొమన్ ఇరానీ, విలన్ పాత్ర కోసం సంజయ్ దత్ని చిత్ర బృందం సంప్రదిస్తున్నట్టు భోగట్టా.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
