‘బాహుబలి’ (సిరీస్) తర్వాత ప్రభాస్ నటించిన చిత్రం ‘సాహో’. తెలుగులో ఈ చిత్రానికి అట్టర్ ప్లాప్ టాక్ వచ్చింది.. ఇక హిందీలో అయితే డిజాస్టర్ టాక్ వచ్చింది. క్రిటిక్స్ అయితే ఈ చిత్రాన్ని ఏకి పడేసారు. అయితే ప్రభాస్ క్రేజ్ వల్ల ఈ చిత్రం రికార్డు కలెక్షన్స్ ను రాబట్టింది. ప్రపంచ వ్యాప్తంగా ఏకంగా 430 కోట్ల గ్రాస్ ను నమోదు చేసింది.హిందీ లో అయితే సూపర్ హిట్ గా నిలిచిన ఈ చిత్రం 125 కోట్ల షేర్ ను రాబట్టింది. అయితే ఈ చిత్రం బుల్లితెర పై కూడా అద్భుతాలు సృష్టిస్తూనే ఉంది.
ఇప్పటికీ అనేక సార్లు ఈ చిత్రాన్ని టెలికాస్ట్ చేసినప్పటికీ ఇంకా రికార్డులు సృష్టిస్తుంది. అయితే ఈసారి ఏకంగా బాలీవుడ్ స్టార్స్ సినిమాల రికార్డులనే కొల్ల గొట్టింది. ‘సాహో’ చిత్రాన్ని ఏప్రిల్‌ 25న టెలికాస్ట్ చేసారు. దీనికి సంబందించిన వ్యూయర్స్‌ లిస్టు శుక్రవారం నాడు(నిన్న) విడుదల చేసారు. వాటిని పరిసీలిస్తే పట్టణ ప్రాంతాల్లో 5,303,000 ఇంప్రెషన్స్‌, గ్రామాల్లో 3,300,000 ఇంప్రెషన్స్‌ నమోదయ్యాయి. దీంతో మొత్తం కలిపి 8.33 మిలియన్‌ ఇంప్రెషన్స్‌ను ‘సాహో’ చిత్రం సొంతం చేసుకోవడం విశేషం.
దీంతో 2020లో.. అది కూడా 17వ వారంలో అత్యధిక మంది చూసిన సినిమాగా రికార్డు సృష్టించింది ‘సాహో’. గతేడాది ఆగష్టు 30న ప్రపంచ వ్యాప్తంగా విడుదలైన ‘సాహో’ చిత్రాన్ని సుజీత్ డైరెక్ట్ చేసాడు. ప్రభాస్ కు జోడీగా శ్రద్దా కపూర్ నటించింది. నీల్ నితిన్ ముఖేష్, జాకీ ష్రాఫ్, చుంకీ పాండే వంటి బాలీవుడ్ నటులు కూడా ఈ చిత్రంలో నటించారు.
Most Recommended Video
అతి తక్కువ వయసులో లోకం విడిచిన తారలు
అత్యధిక ప్రీ రిలీజ్ బిజినెస్ చేసిన తెలుగు సినిమాలు…!
‘మహానటి’ లోని మనం చూడని సావిత్రి, కీర్తి సురేష్ ల ఫోటోలు…!
