యంగ్ రెబల్ స్టార్ ప్రభాస్ వరుస సినిమాలు లైన్లో పెడుతున్నాడు. ఇప్పటికే ‘రాధే శ్యామ్’ షూటింగ్ కంప్లీట్ చేసే పనిలో ఉన్న ప్రభాస్ ఆ తరువాత ‘ఆదిపురుష్’, ఆ వెంటనే నాగ్ అశ్విన్ సినిమా చేయబోతున్నాడు. ప్రస్తుతం ‘ఆదిపురుష్’ మేకర్స్ ప్రభాస్ కోసం హీరోయిన్ ని వెతికే పనిలో పడ్డారు. ప్రభాస్ చేస్తున్న తొలి డైరెక్ట్ హిందీ సినిమా ఇదే కావడంతో ఈ సినిమాపై భారీ అంచనాలు నెలకొన్నాయి. భారీ బడ్జెట్ తో తెరకెక్కుతోన్న ఈ సినిమా షూటింగ్ వచ్చే ఏడాది నుండి మొదలుకానుంది.
బాలీవుడ్ దర్శకుడు ఓం రౌత్ దర్శకత్వంలో తెరకెక్కనున్న ఈ మూవీలో ప్రభాస్ రాముడి పాత్రలో కనిపించనుండగా.. బాలీవుడ్ నటుడు సైఫ్ అలీఖాన్ రావణుడి రోల్ పోషించబోతున్నారు. ఈ సినిమా అనౌన్స్ చేసినప్పటి నుండి రాముడి లుక్ లో ప్రభాస్ ఎలా కనిపించబోతున్నాడనే ఆసక్తి ప్రేక్షకుల్లో నెలకొంది. ఇప్పటికే రాముడిగా ప్రభాస్ ని ఊహిస్తూ అనేక ఫ్యాన్ మేడ్ పోస్టర్స్ వచ్చాయి. తాజాగా ఓ అభిమాని రాముని గెటప్ లో ప్రభాస్ లుక్ ఇలా ఉంటుందంటూ యానిమేషన్‌లో ఓ లుక్‌ను తయారు చేసి పోస్ట్‌ చేశాడు.
సముద్ర తీరాన సిక్స్ ప్యాక్ బాడీతో సీరియస్ లుక్ లో రామునిగా ప్రభాస్ లుక్ అదిరిపోయింది. అందుకే ఫ్యాన్స్ అంతా ఈ పోస్టర్ ని వైరల్ చేస్తున్నారు. ఈ పోస్టర్ చూసిన చిత్ర దర్శకుడు ఓం రౌత్ దీనిపై స్పందిస్తూ.. ‘ఈ లుక్ చూసి స్టన్‌ అయ్యాను.. మీకు చాలా శక్తి ఉంది’ అంటూ కామెంట్ చేశాడు.
Most Recommended Video
ఈ 15 సినిమాలకి మొదటి ఛాయిస్ ఈ హీరోయిన్లు కాదు.. మరెవరో తెలుసా..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
‘కలర్ ఫోటో’ నుండీ హృదయాన్ని హత్తుకునే 15 డైలాగులు ఇవే..!
