ఆ టెన్షన్ నుండీ బయటపడిన ప్రభాస్ అభిమానులు..!

‘జాతి రత్నాలు’ సినిమా ఇటీవల విడుదలయ్యి సూపర్ హిట్ టాక్ తో దూసుకుపోతుంది. ఈరోజుతో బ్రేక్ ఈవెన్ ను కూడా కంప్లీట్ చేసుకుందని సమాచారం. అయితే ఈ చిత్రం రిజల్ట్ తో ప్రభాస్ ఫ్యాన్స్ చాలా హ్యాపీగా ఉన్నారట. అదేంటి అసలు ఈ చిత్రానికి ప్రభాస్ ఫ్యాన్స్ కు సంబంధం ఏంటి అనుకుంటున్నారా? అక్కడికే వస్తున్నా.. ‘జాతి రత్నాలు’ చిత్రం నిర్మాత అయిన నాగ్ అశ్విన్ తో ప్రభాస్ ఓ మూవీ చెయ్యబోతున్న సంగతి తెలిసిందే. ఏకంగా 500కోట్ల భారీ బడ్జెట్ తో ఆ చిత్రం రూపొందనుంది.

అది ఒక సైన్స్ ఫిక్షన్ మూవీ అని తెలుస్తుంది. కేవలం రెండు సినిమాల అనుభవం ఉన్న దర్శకుడికే అంత పెద్ద ఆఫర్ ప్రభాస్ ఇవ్వడంతో అందరూ షాక్ అయ్యారు. కానీ నాగ్ అశ్విన్ తెరకెక్కించిన ‘మహానటి’ ఎంత సంచలనాలు క్రియేట్ చేసిందో గుర్తుచేసుకుని ధీమాగా ఉన్నారు. అయితే ‘లస్ట్ స్టోరీస్’ రీమేక్ గా వచ్చిన ‘పిట్ట కథలు’ లో ‘ఎక్స్ లైఫ్’ ఎపిసోడ్ ను నాగ్ అశ్వినే తెరకెక్కించాడు. అయితే మిగిలిన ఎపిసోడ్ల కంటే కూడా ఇది మరింత నీరసంగా సాగింది.

దాంతో ప్రభాస్ అభిమానుల్లో టెన్షన్ మొదలైంది. ప్రభాస్ తో నాగ్ అశ్విన్ రూ.500కోట్ల రూపాయల భారీ బడ్జెట్ తో తెరకెక్కించే చిత్రాన్ని ఏ విధంగా తెరకెక్కిస్తాడా అని టెన్షన్ పడ్డారు. కానీ జాతి రత్నాలు రిజల్ట్ తో వారు ఆ టెన్షన్ నుండీ బయటపడి హ్యాపీగా ఉన్నారని తెలుస్తుంది.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!