ప్రభాస్ (Prabhas) నాగ్ అశ్విన్ (Nag Ashwin)కాంబినేషన్ లో తెరకెక్కిన కల్కి (Kalki 2898 AD) సినిమా ఫస్ట్ వీకెండ్ కలెక్షన్ల విషయంలో అదరగొట్టింది. గురువారం రోజున రిలీజ్ చేయడం, సినిమాకు యునానిమస్ పాజిటివ్ టాక్ రావడం, సినిమా చూసిన ప్రతి ఒక్కరూ నాగ్ అశ్విన్ విజన్ గురించి ప్రశంసలు కురిపించడం, సెలబ్రిటీలు సైతం ఈ సినిమా గురించి పాజిటివ్ గా అభిప్రాయాలను పంచుకోవడంతో కల్కి సినిమాకు కలెక్షన్ల వర్షం కురుస్తోంది. తెలుగు రాష్ట్రాల్లోని పలు ప్రాంతాల్లో వర్షాలు కురుస్తున్నా, యువత క్రికెట్ మ్యాచ్ లపై దృష్టి పెట్టినా కల్కి సినిమాపై ఆ ప్రభావం అణువంతైనా పడలేదు.
ప్రముఖ టికెటింగ్ యాప్ బుక్ మై షోలో కల్కి సాధించిన సంచలనాలు సోషల్ మీడియా వేదికగా హాట్ టాపిక్ అవుతున్నాయి. శనివారం రోజున కల్కి సినిమాకు కేవలం బుక్ మై షో నుంచి 12 లక్షల 80 వేల టికెట్స్ బుకింగ్ కావడం జరిగిందని తెలుస్తోంది. బుక్ మై షో వెబ్ సైట్ లో గతంలో ఒక్కరోజులో ఈ స్థాయిలో బుకింగ్స్ ఎప్పుడూ జరగలేదని భోగట్టా. ఈ విధంగా కల్కి ఖాతాలో అరుదైన రికార్డ్ చేరింది.
ప్రభాస్ కల్కి సినిమాతో లెక్కలు మార్చేసి మరిన్ని రికార్ద్స్ ను ఖాతాలో వేసుకుంటున్నారని అభిమానులు అభిప్రాయాలను వ్యక్తం చేస్తున్నారు. ప్రభాస్ టాలెంట్, యాక్టింగ్ స్కిల్స్, ఫ్యాన్ ఫాలోయింగ్ తో బాక్సాఫీస్ వద్ద మ్యాజిక్ చేస్తున్నారు. కల్కి 2898 ఏడీ సినిమా సక్సెస్ తో టాలీవుడ్ ఇండస్ట్రీలోని టాప్ డైరెక్టర్ల జాబితాలో నాగ్ అశ్విన్ ఒకరిగా నిలిచారు.
నైజాంలో కల్కి ఫస్ట్ వీకెండ్ కలెక్షన్లు 50 కోట్ల రూపాయలకు అటూఇటుగా ఉండొచ్చని తెలుస్తోంది. టికెట్ రేట్స్ కొంతమేర తగ్గించినా కల్కి బుకింగ్స్ మరింత పుంజుకోవడంతో పాటు రిపీట్ ఆడియన్స్ పెరిగే ఛాన్స్ ఉంటుంది. ఈ సినిమాకు సంబంధించి మేకర్స్ ఆలోచన ఎలా ఉంటుందో చూడాలి.
Home