‘బాహుబలి’ సినిమా తరువాత ప్రభాస్ రేంజ్ ఎంతగా పెరిగిపోయిందో అందరికీ తెలిసిందే. ఈ సినిమా తరువాత నుండి ఆయన నటించే సినిమాలన్నీ కూడా పాన్ ఇండియా అప్పీల్ ఉండేలా చూసుకుంటున్నాడు. ఈ క్రమంలో విడుదలైన ‘సాహో’ పెద్ద కొట్టింది. అందుకే తన తదుపరి సినిమాలపై మరిన్ని జాగ్రత్తలు తీసుకుంటున్నాడు ప్రభాస్. బ్యాక్ టు బ్యాక్ ఆడియన్స్ ని ఎంటర్టైన్ చేయాలనుకుంటున్నాడు. అందుకే వీలైనంత తొందరగా తను కమిట్మెంట్ ఇచ్చిన సినిమాలను పూర్తి చేస్తున్నాడు.
ఇటీవల ‘రాధేశ్యామ్’ సినిమా షూటింగ్ కోసం ఇటలీ వెళ్లిన ప్రభాస్ ఇప్పుడు ముంబైలో ల్యాండ్ అయ్యాడు. అక్కడ టీ సిరీస్ సంస్థతో కలిసి చర్చలు జరుపుతున్నాడట. ప్రభాస్ సినిమాలన్నీ హిందీలో టీసిరీస్ సంస్థే ప్రొడ్యూస్ చేస్తోంది. ‘సాహో’ సినిమాను కూడా ఈ సంస్థే హిందీలో రిలీజ్ చేసింది. అలానే ‘రాధేశ్యామ్’ సినిమా హక్కులు కూడా కొనేసింది. ఇప్పుడు ప్రభాస్ తదుపరి సినిమా ‘ఆదిపురుష్’ని కూడా అన్ని భాషల్లో విడుదల చేయనుంది. ప్రస్తుతం ప్రభాస్ ‘ఆదిపురుష్’ పనులను దగ్గరుండి చూసుకోవాలనుకుంటున్నాడట.
ఈ క్రమంలో దర్శకుడు ఓంరౌత్ తో కూర్చొని ముందుగా హీరోయిన్ ని ఫైనల్ చేస్తాడట. జనవరి నుండి షూటింగ్ మొదలుపెట్టాలనేది వీరి ఆలోచన. రామాయణం ఆధారంగా రూపొందుతోన్న ఈ సినిమాను ఎక్కువ శాతం గ్రీన్ మ్యాట్ తో స్టూడియోలోనే చిత్రీకరిస్తారట. కాబట్టి బయటకి వెళ్లి వేర్వేరు లొకేషన్స్ లో చిత్రీకరించడం, సెట్స్ వేయడం వంటి హంగామా ఉండదు. బ్యాక్ గ్రౌండ్ విజువల్స్ అన్నీ గ్రాఫిక్స్ లో తరువాత యాడ్ చేస్తారట. ‘ఆదిపురుష్’ సినిమాని జనవరి నుండి మార్చి వరకు కొంత భాగం పూర్తి చేసి ఆ తరువాత నాగ్ అశ్విన్ సినిమా షూటింగ్ లో జాయిన్ అవ్వాలనేది ప్రభాస్ ప్లాన్. మరి ఇవన్నీ ఎలా సెట్ చేసుకుంటాడో చూడాలి!
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
Home