‘రాధే శ్యామ్’ టీం కు ఇది గుడ్ న్యూసే…!

యంగ్ రెబల్ స్టార్ ప్రభాస్ ప్రస్తుతం .. ‘జిల్’ ఫేమ్ రాధా కృష్ణకుమార్ డైరెక్షన్లో ‘రాధే శ్యామ్’ అనే చిత్రం చేస్తున్నాడు. ‘గోపికృష్ణా మూవీస్’ మరియు ‘యూవీ క్రియేషన్స్’ సంస్థలు కలిసి ఈ చిత్రాన్ని నిర్మిస్తున్నాయి. కథ ప్రకారం ఈ చిత్రం షూటింగ్ ఎక్కువ శాతం యూరప్ తెరకెక్కించాల్సి ఉంది. అయితే లాక్ డౌన్ మొదలయ్యాక ఈ చిత్రం షూటింగ్ కు బ్రేక్ పడింది. కరోనా వైరస్ కేసులు యూరప్ లో విపరీతంగా ఉండటంతో ‘రాధే శ్యామ్’ షూటింగ్ ఆగిపోయింది.

దీంతో నిర్మాతలు హైదరాబాద్ లోనే.. రామోజీ ఫిలిం సిటీ మరియు అన్నపూర్ణ స్టూడియోస్ లో సెట్లు వేసి బ్యాలెన్స్ షూటింగ్ ఇక్కడ ఫినిష్ చెయ్యాలి అని అనుకున్నారు. అయితే ఎంత కాదనుకున్నా ఒక షెడ్యూల్ మాత్రం యూరప్ లో చెయ్యాల్సి ఉందట. ఈ క్రమంలో అది చివరి షెడ్యూల్ గా పెట్టుకుని.. సెప్టెంబర్ నుండీ మిగిలిన పార్ట్ కంప్లీట్ చెయ్యాలి అని నిర్మాతలు ప్లాన్ చేసారు. అయితే యూరప్ లో ఇప్పుడు కరోనా తీవ్రత తగ్గినట్టు తెలుస్తుంది.

అందుకే చివర్లో చేద్దాం అనుకున్నా షెడ్యూల్ ను ఈ టైంలోనే అక్కడ మొదలు పెట్టాలని భావిస్తున్నారట నిర్మాతలు. ఇందులో భాగంగా అక్కడి ప్రభుత్వంతో సంప్రదింపులు మొదలుపెట్టి పర్మిషన్ తెచ్చుకునే ప్రయత్నాలు మొదలు పెట్టారట. కానీ యూరప్ లో కంటే ఇండియాలోనే కరోనా కేసులు ఎక్కువగా ఉన్నాయి.మరి ఇలాంటి తరుణంలో ఇండియన్ సినీ సెలబ్రిటీలను అక్కడికి రాణిస్తారా? పైగా షూటింగ్ అంటే పెద్ద టీం కూడా కావాలి. మరి చివరికి ఏం జరుగుతుందో చూద్దాం..!

Most Recommended Video

ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!