Prabhas: స్పిరిట్ మూవీలో ప్రభాస్ పాత్ర ఇదేనా?

October 8, 2021 / 12:08 PM ISTByFilmy Focus

Join Us

Prabhas: స్పిరిట్ మూవీలో ప్రభాస్ పాత్ర ఇదేనా?

సందీప్ రెడ్డి వంగా డైరెక్షన్ లో ప్రభాస్ హీరోగా ప్రభాస్ 25వ సినిమా తెరకెక్కనున్న సంగతి తెలిసిందే. అర్జున్ రెడ్డి సినిమాతో టాలీవుడ్ ఇండస్ట్రీలో సందీప్ రెడ్డి వంగా సంచలన విజయాన్ని సొంతం చేసుకున్నారు. విజయ్ దేవరకొండకు స్టార్ హీరోగా గుర్తింపు దక్కడానికి ఒక విధంగా సందీప్ రెడ్డి కారణమని చెప్పవచ్చు. ప్రభాస్ సందీప్ రెడ్డి కాంబినేషన్ సినిమాకు స్పిరిట్ అనే టైటిల్ ఫిక్స్ కాగా వచ్చే ఏడాది ఈ సినిమా షూటింగ్ మొదలు కానుంది.

ఈ సినిమాలో ప్రభాస్ సూపర్ కాప్ గా కనిపిస్తారని తెలుస్తోంది. అర్జున్ రెడ్డిని బాలీవుడ్ లో కబీర్ సింగ్ పేరుతో రీమేక్ చేసి ఆ సినిమాతో కూడా సందీప్ రెడ్డి ఘనవిజయాన్ని ఖాతాలో వేసుకున్నారు. ప్రస్తుతం బాలీవుడ్ లో సందీప్ రెడ్డి డైరెక్షన్ లో యానిమల్ సినిమా తెరకెక్కుతోంది. ప్రభాస్ హీరోగా సినిమా ఫిక్స్ కావడంతో టాలీవుడ్ ఇండస్ట్రీలో సందీప్ పేరు మారుమ్రోగుతోంది. పాన్ ఇండియా సినిమాలను తెరకెక్కించే సత్తా ఉన్న దర్శకులకే ప్రభాస్ ఓటు వేస్తుండటం గమనార్హం.

చైనీస్, జపనీస్, కొరియన్ భాషల్లో కూడా ఈ సినిమా తెరకెక్కనుండటం గమనార్హం. స్పిరిట్ టైటిల్ లోగోలో రెండు స్టార్స్ కనిపించడంతో ఫ్యాన్స్ సైతం ఈ సినిమాలో ప్రభాస్ సూపర్ కాప్ గా కనిపిస్తాడని ఫిక్స్ అయ్యారు. 2023 సెకండాఫ్ లో ఈ సినిమా రిలీజ్ కానుంది. భద్రఖాళీ పిక్చర్స్, టీ సిరీస్ సంయుక్తంగా ఈ సినిమాను నిర్మిస్తున్నాయి. సినిమాలో ప్రభాస్ హీరోయిజాన్ని హైలెట్ చేసే సన్నివేశాలు ఎక్కువగా ఉంటాయని తెలుస్తోంది.