డార్లింగ్‌తో అలా కుద‌ర‌ద‌మ్మా సామ్..!

December 3, 2020 / 07:36 PM ISTByFilmy Focus

Join Us

అక్కినేని వారు కోడ‌లు స‌మంత దూకుడు మాములుగా లేదు. ఓ వైపు సినిమాలు, మ‌రోవైపు వెబ్‌సిరీస్‌లు, ఇంకోవైపు ఫ్యామిలీ ఇలా అన్నింటికి తగినంత ప్రాధ్యానత ఇస్తూ దూసుకుపోతుంది. ఇక తాజాగా మ‌రో అవ‌తారం ఎత్తింది స‌మంత‌. ప్ర‌ముఖ టాలీవుడ్ నిర్మాత అల్లు అరవింద్ ఆహాతో ఓటిటి ప్లాట్‌ఫామ్ లోకి దిగిన సంగతి తెలిసిందే. ఈ క్ర‌మంలో త‌నదూన‌ మాస్ట‌ర్ మైండ్‌తో ఆహాను ఓ రేంజ్‌లో ప్ర‌మోట్ చేసేందుకు ఏకంగా సెల‌బ్రిటీ షోనే స్టార్ట్ చేశారు.

ఈ క్ర‌మంలో ఆహలో సెల‌బ్రిటీ ప్రోగ్రాంకు హోస్ట్‌గా మారింది స‌మంత‌. ఇటీవ‌ల బిగ్‌బాస్ రియాలిటీ షోలో మామ నాగార్జున ప్లేస్‌లో హోస్ట్‌గా మెరిసిని స‌మంత, ఆహా కోసం ఫుల్‌టైమ్ యాంక‌ర్‌గా మారింది. ఈ షో కోసం సమంత రెమ్యునరేషన్ భారీగానే తీసుకుంటుంద‌నే టాక్ వినిపిస్తోంది. అయితే సామ్ జామ్ షోపై మిక్స్‌డ్ టాక్ వినిపిస్తోంది. కొంత మంది అయితే మ‌రీ రొటీన్‌గా ఉంద‌రి ఇదొక ప్లాప్ షో అంటూ విమ‌ర్శ‌లు చేస్తున్నారు.

ఇక ఫ‌స్ట్ ఎపిసోడ్‌లో సెన్సేషనల్ స్టార్ రౌడీ హీరో విజయ్ దేవరకొండ అతిథిగా వచ్చినా.. ఆ ఎపిసోడ్ ప్రేక్షకులను ఆకట్టుకోవడంలో విఫలమైంది. అస‌లు ఈ షోను దేనికోసం చేస్తున్నారో, ఏం మెసేజ్ ఇవ్వాల‌ని అనుకున్నారో అర్ధం కాకపోవ‌డంతో‌, ప్రస్తుతం తెలుగు బుల్లితెర‌ల్లో వ‌స్తున్న అన్ని టీవీ షోలను కలిపికొట్టిన కిచిడీ షోలా ఉంద‌ని తేల్చిప‌డేశారు. దీంతో తొలి ఎపిసోడ్‌కే నెగిటివ్ టాక్ రావ‌డంతో ఆహా టీమ్ ఒక్క‌సారిగా షాక్ అయ్యింది.

దీంతో రంగంలోకి దిగిన అల్లు అర‌వింద్, ఏకంగా బావ చిరంజీవిని ఈషోకి ఆహ్వానించ‌డం జ‌రిగింది. ఇక మెగాస్టార్ రంగంలోకి దిగినా కాన్సెప్ట్ డిజైన్ స‌రిగ్గా లేక‌పోవ‌డంతో సామ్ జామ్ షోకి ప్రేక్ష‌కుల్లో గుర్తింపు ల‌భించ‌డంలేదు. దీంతో ఈసారి పాన్ ఇండియా స్టార్ డార్లిగ్ ప్ర‌భాస్‌ను ఈ షోకు తేవాల‌ని భావించార‌ట ఆహా టీమ్. ఈ క్ర‌మంలో ప్ర‌భాస్‌ను షోకు ర‌ప్పించేందు ప్ర‌య‌త్నించిన‌ స‌మంతకు షాక్ ఇచ్చాడ. ప్ర‌భాస్ మామూలుగానే పెద్ద‌గా ఇంట‌ర్వ్యూలు ఇవ్వ‌డం, షోల్లో పాల్గొన‌డం ప్రభాస్‌కు న‌చ్చ‌దు. అయితే అలా డైరెక్ట్‌గా చెప్ప‌కుండా ఎలాగూ ఇప్పుడు షూటింగ్స్‌తో బిజీగా ఉన్న ప్ర‌భాస్ స‌మంత ప్ర‌తిపాద‌న‌కు సింపుల్‌గా నో చెప్పాడ‌ట‌. దీంతో ఈ మ్యాట‌ర్ ఇప్పుడు సినీ వ‌ర్గాల్లో హాట్ టాపిక్ అవుతోంద‌ని టాక్.