మరో రికార్డు కొట్టిన ప్రభాస్

September 28, 2020 / 09:18 PM ISTByFilmy Focus

Join Us

ఒకప్పుడు టాలీవుడ్ టాప్ హీరోలలో ఒకరిగా ఉన్న ప్రభాస్ నేడు ఇంటర్నేషనల్ ఫిగర్. విదేశాలలో కూడా ప్రభాస్ కి ఫ్యాన్స్ ఉన్నారు. ఇక దేశంలోనే అత్యధిక మార్కెట్ వాల్యూ ఉన్న హీరోగా ప్రభాస్ భారీ బడ్జెట్ చిత్రాలు చేస్తున్నారు. ప్రభాస్ కి ఉన్న లైనప్ బాలీవుడ్ హీరోలకు కూడా లేదు. ప్రభాస్ ప్రస్తుతం చేస్తున్న రాధే శ్యామ్ చిత్రంతో పాటు ప్రభాస్ 21, ఆదిపురుష్ చిత్రాల బడ్జెట్ 1000 కోట్లకు పై మాటే. ప్రభాస్ ని నమ్మి ఆ స్థాయి బడ్జెట్ చిత్రాలు నిర్మించడానికి నిర్మాతలు ముందుకు వస్తున్నారు.

ఇక సౌత్ ఇండియాలో రజిని తరువాత అత్యధిక వసూళ్లు సాధించిన చిత్రాల హీరోగా ప్రభాస్ ఉన్నారు. వసూళ్ల లెక్క పరంగా చూస్తే రజిని పాన్ ఇండియా చిత్రాలకంటే ప్రభాస్ చిత్రాలే ఎక్కువ వసూళ్లు రాబట్టాయి. దీనితో ఫాలోయింగ్ లో ప్రభాస్ తనకు తిరుగులేదని నిరూపిస్తున్నాడు. సోషల్ మీడియాలో ఫాలోయింగ్ లో ప్రభాస్ అరుదైన రికార్డు నమోదు చేశారు. ప్రభాస్ ని ఫేస్ బుక్ లో ఏకంగా 20 మిలియన్స్ ఫాలో అవుతున్నారు.

అంటే అక్షరాలా రెండు కోట్లకు పైగా ప్రభాస్ ని పేస్ బుక్ లో ఫాలో అవుతున్నారటన్న మాట. సౌథ్ ఇండియాలోనే ఈ ఘనత సాధించిన హీరో ప్రభాస్. మరో ఇతర హీరోకి 20 మిలియన్ ఫేస్ బుక్ ఫాలోవర్స్ లేరు. ఇది ఓ అరుదైన రికార్డుగా చెప్పుకోవచ్చు. కాగా ప్రభాస్ రాధే శ్యామ్ షూటింగ్ సిద్ధం అవుతున్నారు. త్వరలోనే ఈ మూవీ సెట్స్ పైకి వెళ్లనుంది. పూజ హెగ్డే హీరోయిన్ గా నటిస్తున్న ఈ మూవీ వచ్చే ఏడాది సమ్మర్ లో విడుదల కానుంది.