సీనియర్ ఎన్టీఆర్, ఏ.ఎన్.ఆర్, కృష్ణ,శోభన్ బాబు వంటి స్టార్ హీరోలు దూసుకుపోతున్న రోజుల్లో కృష్ణంరాజు గారు కూడా వారికి గట్టిపోటీ ఇచ్చి రెబల్ స్టార్ గా ఎదిగిన సంగతి తెలిసిందే. మాస్ కథలను ఎంచుకుని.. యాక్షన్ హీరో అనే ముద్ర కూడా వేయించుకున్నారు కృష్ణంరాజు.ఇక అతని వారసుడిగా ఎంట్రీ ఇచ్చిన ప్రభాస్.. మొదట్లో కాస్త తడపడినా… ఇప్పుడు ఇండియన్ వైడ్ స్టార్ హీరోగా ఎదిగాడు. ‘బాహుబలి'(సిరీస్), ‘సాహో’ వంటి చిత్రాలు ప్రభాస్ క్రేజ్ ను అమాంతం పెంచేశాయనే చెప్పాలి.
ప్రస్తుతం ప్రభాస్ ‘జిల్’ ఫేమ్ రాధాకృష్ణ కుమార్ డైరెక్షన్లో ‘రాధే శ్యామ్’ అనే చిత్రంలో నటిస్తున్నాడు. ఇటీవల విడుదలైన ఈ చిత్రం ఫస్ట్ లుక్ కు మంచి స్పందన లభించింది. ఇదిలా ఉండగా.. ఈ చిత్రంతో ప్రభాస్ సోదరి కూడా ఎంట్రీ ఇవ్వబోతున్న విషయం వెలుగులోకి వచ్చింది. ‘రాధే శ్యామ్’ ను ‘యూవీ క్రియేషన్స్’ వారితో కలిసి ‘గోపికృష్ణ మూవీస్’ బ్యానర్ పై కృష్ణంరాజు కూడా కలిసి నిర్మిస్తున్న సంగతి తెలిసిందే.
అయితే ఈ చిత్రంతో కృష్ణంరాజు పెద్ద కుమార్తె ప్రసీద కూడా టాలీవుడ్ కు అరంగేట్రం చేయబోతుందట. ఈ చిత్రం నిర్మాణంలో ఆమె కూడా పాలుపంచుకుంటుందని తెలుస్తుంది. నిర్మాతలు వంశీ, ప్రమోద్ లతో పాటు ప్రసీద కూడా ఉంది. కేవలం ఈ సినిమాకి మాత్రమే కాదు.. ఓటీటీ ఫ్లాట్ ఫామ్స్ కోసం సినిమాలను, వెబ్ సిరీస్లను కూడా ఈమె నిర్మించబోతుందట. అయితే ఈ విషయంలో ప్రభాస్ కూడా ప్రసీద కు పూర్తి సహకారం అందిస్తున్నట్టు కూడా తెలుస్తుంది.
Most Recommended Video
ఈ అద్దాల మేడల్లాంటి ఇల్లులు.. మన టాలీవుడ్ హీరోల సొంతం..!
సినిమా హీరోయిన్లకు ఏమాత్రం తీసిపోరు ఈ సీరియల్ హీరోయిన్స్ ..!
టాలీవుడ్ హీరోల భార్యలు.. మెట్టినింటికి తెచ్చిన కట్నాలు ఎంతెంతంటే..!
