Prabhas: మారుతీకి పెద్ద రిలీఫ్ ఇచ్చిన ప్రభాస్..!

July 27, 2022 / 12:29 PM ISTByFilmy Focus

Join Us

Prabhas: మారుతీకి పెద్ద రిలీఫ్ ఇచ్చిన ప్రభాస్..!

మిడ్ రేంజ్ సినిమాలు తీస్తూనే స్టార్ స్టేటస్ ను దక్కించుకున్నాడు మారుతి. హిట్ పర్సంటేజ్ ఎక్కువ ఉన్న దర్శకుడిగా కూడా పేరు తెచ్చుకున్నాడు. అయితే అతని గత రెండు చిత్రాలు ‘మంచి రోజులు వచ్చాయి’ ‘పక్కా కమర్షియల్’ చిత్రాలు పెద్దగా ఆడలేదు. మధ్యలో ప్రభాస్ సినిమా కూడా ఉంటుందని వార్తలు వినిపించాయి. ఇవి నిజం అని ఓ సందర్భంలో ప్రభాస్, మరో సందర్భంలో మారుతి కన్ఫర్మ్ చేశారు.కానీ ‘పక్కా కమర్షియల్’ సినిమా ప్రభాస్ తో మారుతి ఉండదు అని అంతా అనుకున్నారు.

ప్రభాస్ అభిమానులు కూడా ఈ ప్రాజెక్టు ఉంటుందనే హోప్స్ పెట్టుకోలేదు. అయితే ఇటీవల ప్రభాస్ ని మారుతి కలవడం జరిగింది. కథ గురించి చర్చలు జరిగాయి. ప్రభాస్ కూడా కొన్ని మార్పులు సూచించడం జరిగింది. అలాగే “బయటి మాటలు పట్టించుకోకు. నీ పని నువ్వు చేసుకో,” అని ప్రభాస్ మారుతితో చెప్పడం జరిగిందట. అంటే ప్రభాస్ కు మారుతి తో సినిమా చేయడానికి ఎటువంటి అభ్యంతరం లేదు అని తేలిపోయింది.

ఇక మారుతీ చిత్రం కోసం ప్రభాస్ 8 వారాల కాల్ షీట్లు ఇచ్చాడని తెలుస్తోంది. మరోపక్క ప్రభాస్.. ‘ఆదిపురుష్’ ‘సలార్’ చిత్రాలను కూడా ఫినిష్ చేయాల్సి ఉంది.2023… జనవరిలో ‘ఆదిపురుష్’, సమ్మర్ లో ‘సలార్’ రిలీజ్ అవుతుంది అని ఆల్రెడీ ప్రకటించారు. ‘సలార్’ షూటింగ్లో ప్రభాస్ పార్ట్ డిసెంబర్ కి ఫినిష్ అయ్యే అవకాశాలు ఉన్నాయట.

జనవరి నుండి మారుతి సినిమాకి సంబంధించిన రెగ్యులర్ షూటింగ్ ప్రారంభమయ్యే అవకాశాలు ఉన్నాయి. ఈ లోపు అంటే ఈ ఏడాది లోపు ఫార్మల్ గా పూజా కార్యక్రమాలు నిర్వహించే అవకాశాలు ఉన్నట్లు భోగట్టా.