టాలీవుడ్ అందగాడు మహేశ్ బాబుతో జతకట్టాలని అనుకోని భామలెవరు ఉండరనడం ఎంతమాత్రం అతిశయోక్తి కాదు. బాలీవుడ్ భామలు సైతం ఇందుకు అతీతులు కారు. అయితే ఇటీవల మహేశ్ సినిమాకి ఓ బాలీవుడ్ భామ నో చెప్పిందన్న వార్త టాలీవుడ్ లో చక్కెర్లు కొట్టిన సంగతి తెలిసిందే. అలాంటిది సరిగ్గా ఇప్పుడే అదే ముద్దుగుమ్మపై మనసు పారేసుకున్నాడు ప్రభాస్. వివరాల్లోకెళితే…
మహేశ్ బాబు – మురుగుదాస్ కలయికలో తెరకెక్కుతోన్న ద్విభాషా చిత్రంలో హీరోయిన్ గా బాలీవుడ్ సుందరి పరిణీతి చోప్రాను అనుకున్నారు. అయితే ఈ మాజీ బొద్దుగుమ్మ మాత్రం తననెవరూ సంప్రదించనే లేదని చెప్పుకొచ్చింది. తర్వాత ఆ ప్లేస్ లోకి రకుల్ వచ్చి చేరింది. ఇప్పుడు సుజిత్ దర్శకత్వంలో ప్రభాస్ నటించనున్న సినిమాకి కూడా పరిణితి చోప్రాని పరిగణనలోకి తీసుకున్నారట. 150 కోట్ల భారీ బడ్జెట్ తో తెలుగు, తమిళం, హిందీ భాషల్లో ఈ సినిమా రూపొందనుంది. మహేశ్ మురుగదాస్ ల సినిమా ద్వి భాషా చిత్రమని పరిణీతి పక్కకు తప్పుకుందన్నా ప్రభాస్ సినిమా హిందీలోనూ విడుదలవుతోంది. మరి ఈ సినిమాకైనా అమ్మడు దిగివచ్చెనో లేదో..?
