టాలీవుడ్ స్టార్ హీరో ప్రభాస్ ప్రస్తుతం మరే స్టార్ హీరో లేనంత బిజీగా ఉన్న సంగతి తెలిసిందే. ప్రస్తుతం ప్రభాస్ నటిస్తున్న మూడు సినిమాలు సెట్స్ పై ఉండగా మరొక సినిమా షూటింగ్ ఈ ఏడాది అక్టోబర్ లో ప్రారంభం కానుంది. ప్రస్తుతం ప్రభాస్ నటిస్తున్న నాలుగు సినిమాల బడ్జెట్ ఏకంగా 1000 కోట్ల రూపాయలు కావడం గమనార్హం. ఈ సినిమాల షూటింగ్ పూర్తైన తర్వాత ప్రభాస్ ఏడాది రెస్ట్ తీసుకోనున్నారని తెలుస్తోంది.
వరుసగా సినిమా షూటింగ్ లలో పాల్గొంటూ ఉండటంతో ప్రభాస్ కు రెస్ట్ దొరకడం లేదు. ప్రస్తుతం ఇతర హీరోల సినిమాల షూటింగ్ లు ఆగిపోయినా ప్రభాస్ మాత్రం ఆదిపురుష్ సినిమా షూటింగ్ లో పాల్గొంటున్నారని తెలుస్తోంది. ప్రభాస్ నటిస్తున్న రాధేశ్యామ్ సినిమా ఈ ఏడాది రిలీజ్ కావాల్సి ఉంది. వచ్చే ఏడాది సలార్, ఆదిపురుష్ సినిమాలను రిలీజ్ చేయాలని ప్రభాస్ భావిస్తున్నారు. కరోనా వల్ల ప్రభాస్ సినిమాల ప్లాన్ మారే అవకాశం ఉండగా నిర్మాతలు చెప్పిన డేట్ కే ప్రభాస్ సినిమాలు రిలీజవుతాయో లేదో చూడాల్సి ఉంది.
ప్రభాస్ నటిస్తున్న రాధేశ్యామ్ 150 కోట్ల రూపాయల బడ్జెట్ తో తెరకెక్కుతుండగా సలార్ సినిమా కూడా దాదాపు ఇదే బడ్జెట్ తో తెరకెక్కుతోంది. ఆదిపురుష్, నాగ్ అశ్విన్ డైరెక్షన్ లోని ప్రభాస్ సినిమాలు మాత్రం మొత్తం 700 కోట్ల రూపాయల భారీ బడ్జెట్ తో తెరకెక్కుతున్నాయి. ప్రభాస్ సినిమాల శాటిలైట్, డిజిటల్ హక్కులకు భారీగా డిమాండ్ నెలకొనడంతో నిర్మాతలకు సినిమాల రిలీజ్ కు ముందే భారీగా లాభాలు వస్తున్నాయని తెలుస్తోంది.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home