దాదాపు 6 ఏళ్ళు కలిసి ప్రయాణం చేశారు.. అంతకుముందు ఒక రెండేళ్లు ఒక సినిమా కోసం కలిసి కష్టపడ్డారు.. కానీ ఏం లాభం బాక్సాఫీస్ లెక్కలు ఇప్పుడు వాళ్ళిద్దరినీ ప్రత్యర్ధులను చేశాయి. వాళ్ళే రాజమౌళి & ప్రభాస్. ప్రభాస్ కు “ఛత్రపతి”తో మాస్ ఇమేజ్ తీసుకొచ్చి.. “బాహుబలి”తో పాన్ ఇండియన్ ఇమేజ్ ఇచ్చిన రాజమౌళి.. ఇప్పుడు అదే ప్రభాస్ కు పోటీగా నిలవనున్నాడు. ప్రభాస్ కోసం రాజమౌళి, రాజమౌళి కోసం ప్రభాస్ ఎవరో ఒకరు వెనక్కు తగ్గడం ఖాయం కదా అనుకొంటున్నారేమో.. కానీ అప్పటివరకు మాత్రం వీళ్ళిద్దరూ ప్రత్యర్ధులే.
అసలు విషయం ఏమిటంటే.. జూన్ లో విడుదలవ్వాల్సిన రాజమౌళి-ఎన్టీఆర్-రామ్ చరణ్ ల “ఆర్ ఆర్ ఆర్” వాయిదాపడి దసరా విడుదలకు రెడీ అవుతున్న విషయం తెలిసిందే. అయితే.. రాధాకృష్ణ దర్శకత్వంలో ప్రభాస్ ఆల్రెడీ మూడు షెడ్యూల్స్ కూడా పూర్తి చేసిన “జాన్” (వర్కింగ్ టైటిల్) సినిమాను కూడా దసరాకు విడుదల చేయాలని చిత్రబృందం ఫిక్స్ అయ్యింది. దాంతో దసరాకీ రాజమౌళి-ప్రభాస్ ల సినిమాలు పోటీపడడం ఖాయం అని తెలుస్తోంది. ఎలాగూ విడుదల టైమ్ కి సర్ధుబాట్లు జరిగిపోతాయి కాబట్టి ఎవరి సినిమా ప్రీపోన్/పోస్ట్ పోన్ అవుతుంది అనేది చూడాలి.
డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
