బాహుబలి కంక్లూజన్ తర్వాత యంగ్ రెబల్ స్టార్ ప్రభాస్ చేస్తున్న సినిమా పనులు చకచకా జరిగిపోతున్నాయి. డైరక్టర్ సుజీత్ దర్శకత్వంలో, యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మించనున్న ఈ మూవీ కొన్ని రోజుల క్రితం పూజా కార్యక్రమాలు జరుపుకుంది. వచ్చే నెల నుంచి రెగ్యులర్ షూటింగ్ లోకి వెళ్లనున్న ఈ చిత్రానికి దాదాపు టెక్నీషియన్లు, ఆర్టిస్టుల ఎంపికను పూర్తి చేశారు. తాజాగా ప్రభాస్ సరసన జోడీగా నటించే భామ ఎవరో తెలిసింది.
కిరాక్ పార్టీ అనే కన్నడ చిత్రంతో యువకుల హృదయాలను కొల్లగొట్టిన కన్నడ బ్యూటీ రష్మిక మందనా ప్రభాస్ 19 లో హీరోయిన్ గా నటిస్తున్నారు. నిన్న జరిగిన ఐఫా వేడుకలో ఈ విషయాన్నీ రష్మిక స్వయంగా వెల్లడించారు. ప్రభాస్ పోలీసాఫీసర్ గా నటిస్తున్న ఈ ఫిల్మ్ కి బాలీవుడ్ సంగీత త్రయం శంకర్ – ఇషాన్ – లాయ్ లు సంగీతాన్ని అందిస్తున్నారు. బాలీవుడ్, హాలీవుడ్ టెక్నీషియన్లు పనిచేస్తున్న ఈ సినిమాపై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
